كن من متابعين نهر الحب عبر تويتر

اضغط اعجبني ليصلك جديدنا بالفيسبوك
قديم 04-27-2008, 02:37 AM   #1
عضو
 
الصورة الرمزية الــســكــب
 
تاريخ التسجيل: Jan 2008
المشاركات: 17
الــســكــب is on a distinguished road
Post قصه سموه فيها مريض

بسم الله الرحمن الرحيم
السلام عليكم ورحمه الله وبركاته
بقول قصه شخص عرفته بدقيقه وفقدته بثانيه
الفتره اللي تعرفت عليه فيها هي فتره روايته الي قصته
قالها الي بكل ادموع وحزن تسكن قلب
بقول القصه من بدايته يوم لاقيته
طلعنا معزومين بالبر عند واحد من اصدقاء اخوي
يوم وصلنا قعدنا وتقهوينا
من عادتي اني التفت بالمكان اللي حولي والاشخاص اللي موجودين
اناظر قراده الله لايبلان
يوم اناظر انتبهت لشخص قاعد بروحه بعيد عن الجلسه
وبديت احترق من داخل لازم اعرف ويش فيه وليه قاعد
بروحه احد مزعله من اللي جارحه
نغزت اخوي وخليته يسئل صديقه منهو هذا الشخص اللي بروحه
رد عليه صديقه قال هذا اخوي عبدالله مريض نفسي يالله خليناه
يطلع معنا لينه مايحب يروح ويجي يحب يكون بروحه دايم
دورت تصريفه الي عشان اقوم ادخن مالقيت الا تصريفه وحده
اني اقوم واروحله وحتاء انا ودي اروح اجلس معه ليه مادري
جيته وجلست جنبه ماتكلمت حتى سلام ماقلتله
طلعت دخاني واخذت زقاره ودخنت اخذ دخاني ودخن
جلسنا يمكن اول خمس دقايق ماتكلمنا مدري ليه
بس ادري اني حبيته
لفت نظري المكان اللي جالس فيه
مكان هادء مايتحرك فيه شي لاهواء ولا شجر ولا حتاء نفس
بعد السكوت
سئلني سؤال عن ابوي هو حي او متوفي
قلتله : لا ابوي متوفي
قال انا مثلك
من يوم كنت صغير اتمناء اشوف ابوي او اكلمه كلمه
تعبرله عن اللي داخلي عن افتقادي اله عن ضلم الناس
عن فرحتي عن دمعتي عن نومي واللي شفته بالحلم
عن درجاتي بالمدرسه عن اصدقاي عن مشاكلي
عن اشياء واجد محد يعوظني فيها غير ابوي
من يوم وعيت بالدنياء ماشفته شفت صورته
كانت مع امي هي الصوره الوحيده اللي باقيه
من ذكرياته
كبرت وزادت اهمومي وزادت ادروسي بالحياه
وصلت المرحله المتوسطه ادور عن أي شي
ينسيني اللماضي وذكريات الماظي
وحكي الناس اللي يقطع قلبي مريض مريض مريض
نسو اسمي وصارو ينادوني بالمريض صار هو الاسم
اللي يعرفونه حتى أي شخص يعرفني معرفه سلام
مابي اختلط مع أي احد حتى عيال حارتنا ولاجيرانا
الاشخص واحد عرفته ليني حسيت انه مبسوط بدنياه
صرت احاول اعرفه وهو بعد قرب مني وعرفني زين
حطيته صديقي وكان اول صديق للمريض
يمر يوم ويوم ويقرب مني واقرب منه لين صار مثل اخوي
ماهو اخوي اللي ماجلس معي واخذ مافي داخلي الهته امور
الدنياء ونساء اللي من لحمه ودمه نساء بيت ضمنا مع بعض
صديقي كان اسمه يوسف
يوسف اقوم من مكاني اذا سمعت اسم يوسف الحين
كان يوسف يحب التفحيط ومشاغب شوي مو كثير
اما انا لا كنت احب الهدوء والركاده
كان مجنون شي اسمه تفحيط واكثر من مره يقولي اركب
معي بنفحط وكنت ارفض مو خوف
بالعكس كنت احس انه تضيع وقت
وبعد اكثر من محاوله جلست وقلت ليه هو يحب التفحيط
شكله هو اللي مخليه مبسوط شوف تفكيري وين وداني
قلت بركب معه وبالفعل ركبت معه
اول نطله حسيت شعر راسي واقف يمشي مسرع
التفت يوسف الي بالسياره وهو يضحك
وانا وجالس مثل ابو الهول ماتحرك متجمد
بمكاني
قال عبدالله فلها وربك يحلها
وانا اقول: السياره مافيها بانزين
ابيه ياقف بنزل او يهدي بطمر مع الدريشه
قلتله : يوسف امانه وقف
وماقصر وقف وانا ماكملت كلمتي زين
قالي : اجل صور انت بالجوال
قلت : من اعيوني
وصار هو يفحط وانا اصور
كانو الناس يشجعون تشجيع لو كان ساحر
ناس غريبين يشجعون على انتحار وموت
تمنيت اني مكان يوسف تدري ليش
لين الناس اللي يشجعونه كلهم يحبونه
وكنت غلطان ماكتشفت هذا الا بعد فوت الاوان
بعد اكثر من مره روحه مع يوسف للتفحيط وتصويره
صرت اركب معه نطله خفيفه وكم عقده
لين صار الوضع عندي عادي
كان يوسف مثل النور اللي ينور ظلمتي
صحيح اني غلطان بس كان هذاك الوقت مهموم
ويوسف هو الطريق الوحيد للي انا فيه
اخذته معه ثلاث اسنين نفس الحاله
ونفس كل شي
همي يروح ويرد ماهو مثل قبل كل يوم موجود بقلبي
تخرجت من المتوسطه
كنت انا ادرس ويوسف يدرس بس ياخذ المتوسطه
بسبع اسنين كان مهمل اهمال فضيع
دخلت الثانويه
ويوم درسنا شهر بالثانويه
كنت بالساحه المدرسه
شفت ناس من فصلي يدخنون شي عادي عندي
اللي ماهو عادي انهم يجون ويعطوني زقاره
وانا اطالعهم واخذها بدون اقول شي
مثل الانسان المخدر مايقول لا او نعم
بس يتحرك دون شعور او احساس
مع اني احس بالناس كلهم
احس بالمهموم دون اعرف همه
احس بالمجروح قبل اجرح جرحه
واساعد المحتاج دون يعرف منهو المساعد
اخذت الزقاره ودخنتها
اول مزه بفمي مثل أي واحد يدخن اول مره
قالو افا كن الزقاره ياخواف
وانا امز المزه الثانيه واكنها قوه
يوم اعيوني صارن مثل الانبيرات واحده يمين وحده يسار
اشوف الواحد اثنين
واشوف الفصل جيش كامل
راسي صدع وجسمي جزع
جلست من قوه الدوخه والدلوخه
اللي ذبحتني وذبحت حياتي النضيفه
اليوم الثاني طلعت للساحه رحت سيده للي عطوني الزقاره
امس وقابلتهم ابتسم يازين هل الوجه
حياه ممله مافيها ذكر الله
اخذت منهم زقاره ودخنت
ايه الحين صرت رجال ونسيت ابوي ومريض
ياليتني مانسيته وياليتهم الى الحين ينادوني المريض
........................
قام يبكي وانا بجنبه امسح دموعي
قلتله عبدالله خلاص اسكت لاتكمل
مسح دموعه
.............................
قال دخنت معهم ثاني
مره والثالثه لين صرت ادخن
بعد اسبوعين جيتهم ابيهم يعطوني زقاره
قالو ليه ماتروح تشتري لنفسك
حزت في نفسي منتهم عشان خمسه ريال او سته ريال
استاذنت من الوكيل وطلعت
اشتريت دخان ملبور احمر شوف اللي خرمان
يوسف يوم دراء اني ادخن زعل علي مع انه هو يدخن
بس يدري ان فيه ضرر مايبيه لصديقه او لايبي يدمر روحه
او بمعناء اللي بقلبه مايبي يدمر حيات حبيبه
زعل بس مع الوقت رضاءعلي لينه مايقدر يزعل علي
كنت من داخلي فرحان لين واحد عطاني الاهتمام
لقيت شخص من الناس يزعل علي وهو مو زعل
يزعل واحس بقلبي انه يتغلأ اتاسف منه ويصد عني
يعاتبني لين ياصل العتاب الى حد الضرب ويظمني
فرحت وبنفس الوقت حزنت
على اخوي اللي من لحمي ودمي مازعل ولاتحرك فيه شعرت غضب كيف تجي قلي كيف تجي لو كان قلبه صخر لو كان مايعرفني لو كان عدوي
غريبه تجي من الغريب ولاتجي من القريب
مع ان يوسف هو القريب واخوي البعيد انعكس الوضع بعيني
كان يوسف اذا شافني مطفر دخان يعطيني دخان بس يبخل علي فيه يعني مره يعطيني وعشر مرات يرفض ماهو عذاب فيني
لا كان يبيني اتركه لينه هلاك
اما اخوي بالعكس كان كل يوم اذا جاء من الدوام جابلي بكت دامه يشوفني بالبيت هذا اللي يبيه مايبي احد يشوفني اخوياه بالعمل عشان مافشله
ليه ويش افشل فيه عشان سكوتي وحدتي
حسبي الله عليه دمرني ودمر شبابي ومستقبلي اللي مضاء
مرت الايام من الفصل الاول
ويوم طلعنا للساحه حصت رياضه كنت فرحان مو عشان الرياضه
لا ليني بدخن واعدل الخرمه
دخل شخص من اصدقاء يوسف اللي يعرفهم انا ماعرف الا يوسف
عطاني بيدي رساله
وقالي ببرود اعصاب يوسف يسلم عليك
قلت يوسف وينه
قال : يوسف مات
يقولها بكل وقاحه ومن دون شعور او احساس
كيف وانت صديقه تقول مات مات ولا بان عليك الحزن
طحت واغماء علي
شالوني للمستشفى وكان بيدي رسالت يوسف
كنت ممسك عليها مثل روحي مابيها تروح مني
يوم وعيت بالمستشفى
اول كلمه الي يوسف وينه
محد رد علي تدري ليه لين كل اللي حولي
الممرضات والدكاتره
التفت يمين ادور يوسف مالقيته
التفت يسار ادور احد من اهلي مالقيت
اهلي ماستغربت لينها مو اول مره يغبون
اما يوسف لا اول مره يوسيها فيني من يوم عرفته
ماعمره غاب عن موعده معي ولاعمره صد عني
صحيت وانا مجنون ومجروح
يؤؤؤؤؤؤؤؤؤؤؤؤؤؤؤؤؤؤؤه
اهموم تمنيت اني اموت
تمنيت اني كنت مع يوسف بنفس السياره اللي مات
فيها تمنيت ان لحمي اختلط مع لحمه وقبرونا سواء
بقبر واحد وياكل الدود لحمه مني ولحمه منه
صحت لين اختفاء صوتي
وبكيت لين جف دمعي
بكيت لين تجرحت اخدودي من الدمع
ذبلت اعيوني ونحل جسمي
صار طيفه ضيفي وطيفي قبره
صرت اقول ليه اللي اجتاجهم ياخذهم ربي
لا احول ولاقوه الا باالله
قدر الله ماشاء فعل
بعد وقت الصدمه تذكرت الرساله
وصديقه اللي عطانياها
صرت انادي الرساله الرساله وينها
صار الدكتور يعطيني ابره مهدئه
واصحاء من مفعوله بعد ماينتهي واصيح
جاء دكتور ومد علي بوك وقلم وورقه ورساله
اخذت الرساله وطاح البوك والقلم والورقه
فتحت الرساله ابي اشوف ويش كاتب يوسف
هي قصيده فيني او صوره او وصيته
فتحاتهه
لقيته كاتب فيها
عبود
اللي كاتبه الله بيصير وعلاقتنا اكثر من اخوان
كتبت الك الرساله عشان اذا صار الي شي
ارتاح بقبري
انا ماني خايف من الموت
اللي كاتبه الله بيصير غصبن علي وعليك
عبود بقولك شي يمكن انت حاس فيه
اما الباقين محد يعرف
بقولك شي اخفيته عن الناس كلها ولاخفت من احد كثرك لينك الوحيد اللي حاس فيه وقريب مني
عبود صحيح اني اقولك اخوي بس فيه كلمه انت احق مني فيها
كلمه قالوها الناس لبعض بس ماحسو فيها
كلمه فهمو معناها الضاهر ونسو معناها الخارج
كلمه تهز جبال وتهز اقلوب
كلمه هي كل الحياه وكل شي بدنياي
كلمه عجزت شيوخ و حطمت غرور ناس
الكلمه اني احبك
حب لله ومهما قالو عنك مريض تراني احبك حب ماحبه
احد لحد
حب بكاني كل ليله افكر فيك
حب خلاني احنرم موعدي معك
حب ماعطيته لمي وابوي
عبود كتبت الرساله هذي عشان اذا صار شي ارتاح واريحك
تمنيت اقولها لك بفمي بس ماقدرت كل مره اشوفك اخاف
ولا اقدر عن الكلام بس ابتسم من الفرحه
واذا كنت عندي ورحت اقعد اطمر من الفرحه
عبود لا تنساني ومارح اناسيك هذا وعد بينا اتفقنا
تركت رساله مع واحد من اخوياي وعلمته متى يعطيك الرساله
وهذا اليوم جاء وعطاك الرساله وقريتها
ادعلي بالرحمه اذا كنت ميت
واذا كنت بفراش المستشفاء زرني وامسك يدي
كلمني اعرف اني احس فيك مهما صار فيني
عش حياتك من جديد ولايهمك موتي خلك قوي
ذا كنت تحبيني عش حياتك ولا تخلي شي يمنعك من النجاح
مستقبلك قدام ماهو باللي فات
وانا من اللي فات وراح الماضي حبيبي
هذا اللي ابي اقوله لك
مع السلامه ياحبيبي
.......
قمت اصرخ وابكي
اللي زاد جرحي هو تاريخ كتابت الرساله تدري متى كتبها
كتبها اول يوم سلم علي فيه
يعني اول يوم تعرفت عليه فيه
يعني اول يوم صافحت يدي يده
اول يوم ابتسم الي وابتسمت اله
اول يوم بداء الفرح بالنسبه الي
رسبت باول ثنوي وعدت سنه جديده
وهذا انا قاعد مع طيفه لا صلحت وصيته كل يوم اقول بكره
وانا مكاني ماسويت شي
.......
قعد يبكي ويشكي وانا ساكت ماقدر اقول شي
غير امسح دموعي معه واحاول اني اصير قوي عشان يصير قوي معي
سئلته قلت قلت ويش تبي من الناس؟؟؟
...........
مسح دموع القهر اللي بعينه
وقال: ابي اسئل كل الناس
ليه اهلي بعيدين عني؟؟؟؟؟
ابي اعرف ليه الغدر طبعهم ؟؟؟؟؟
وليه اللي احبه تاخذونه مني؟؟؟؟؟
وليه مارحمتوني وانا صغير؟؟؟؟
ليه غدرهم يجي بالظهر ؟؟؟؟؟؟
ليه كل ماشوف يرجع ضلامي؟؟؟
ليه وليه وليه اسئله كثيره مالقيتلها جواب
كل شخص يتهرب منها
.........
حاولت اجاوب بس عجز لساني ولا لقيت للئسلته جواب
ليني مصدق كل كلمه قالها ومهما كنت من الناس ماانكر الحقيقه
يوم قالي قصته
جيت بضمه واختفاء بين ضلوعي
جيت ابي اساعده عرفت اني ماساعدت نفسي
لاكن كلن يساعد نفسه قبل ماتبداء حيات الظلام
بدنياه

تقبلو تحياتي هذا اللي قدرت اكتبه عن
عبدالله وادري اني مقصر ولو اكتب فيه كل كلمه بكون مقصر
القصه طويله ولا تاخذها الصفحه اعذروني هذا اللي قدرت اختصره

 

 

من مواضيع الــســكــب في المنتدى

__________________

[img]http://www.*********/uploads/1a902d1cc5.jpg[/img]
لـت الزمــن يرجــع وراء ايــام واشهــور
واشــوف اللــي تبـــي عينـــي تشـــوفـ

الــســكــب غير متواجد حالياً   رد مع اقتباس

قديم 04-27-2008, 09:01 PM   #2

عضوة مميزة

 
الصورة الرمزية الماسه حساسه
 
تاريخ التسجيل: Oct 2007
المشاركات: 4,478
الماسه حساسه is on a distinguished road
افتراضي

السكب

يسلموووووووو على القصه الرائعه

يعطيك الف الف عافيه

تحيتي لكـ

 

 

من مواضيع الماسه حساسه في المنتدى

__________________

الماسه حساسه غير متواجد حالياً   رد مع اقتباس

قديم 04-30-2008, 09:46 PM   #3
عضو
 
الصورة الرمزية الــســكــب
 
تاريخ التسجيل: Jan 2008
المشاركات: 17
الــســكــب is on a distinguished road
افتراضي

الله يــســلــمـــك
الاروعـ وجودكـ بمتصحفيـ
ويسلمـ علـ المرور ـى ـو

 

 

من مواضيع الــســكــب في المنتدى

__________________

[img]http://www.*********/uploads/1a902d1cc5.jpg[/img]
لـت الزمــن يرجــع وراء ايــام واشهــور
واشــوف اللــي تبـــي عينـــي تشـــوفـ

الــســكــب غير متواجد حالياً   رد مع اقتباس

قديم 05-01-2008, 07:46 AM   #4

عضوة مميزة

 
الصورة الرمزية اميرة الإحساس
 
تاريخ التسجيل: Mar 2008
الدولة: في مدينة الخيال
المشاركات: 5,560
اميرة الإحساس is on a distinguished road
افتراضي


روعه القصه جدا مؤثره ومحزنه

الصديق والأخ والكل في الكل راح في غمضة عين

والله قويه

يسلمووووو على القصه

 

 

من مواضيع اميرة الإحساس في المنتدى

اميرة الإحساس غير متواجد حالياً   رد مع اقتباس

قديم 05-01-2008, 09:30 AM   #5

عضوة مميزة

 
الصورة الرمزية الهنوف بنت سعد
 
تاريخ التسجيل: Jan 2008
المشاركات: 1,396
الهنوف بنت سعد is on a distinguished road
افتراضي

الله يسامحك يالسكب رجعت المواجع

مو عبد الله بس اللي فقد صديقه واخوه وكل ناسه


كلنا فقدنا ما اقول الاء يارب ارحمهم واغفرلهم واجمعنا بهم في جناتك

تسلم اخوي على القصه

لك ودي ووردي

 

 

من مواضيع الهنوف بنت سعد في المنتدى

__________________




[img] [/img]
(uu13يسلموا غناتي دلع على التوقيع النايس (uu13

الهنوف بنت سعد غير متواجد حالياً   رد مع اقتباس

إضافة رد

مواقع النشر (المفضلة)

جديد قسم نهر القصص والحكايات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 02:23 PM.


Powered by vBulletin® Version 3.8.8
Copyright ©2000 - 2019, Jelsoft Enterprises Ltd.
SEO by vBSEO 3.6.1
:: جميع الحقوق محفوظة لمنتديات نهر الحب ::

Security team

 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339