كن من متابعين نهر الحب عبر تويتر

اضغط اعجبني ليصلك جديدنا بالفيسبوك
قديم 08-08-2012, 05:32 AM   #461
عضو
 
الصورة الرمزية انفاسك هوآي
 
تاريخ التسجيل: May 2012
الدولة: دنيا لم افهمها حتى الان
المشاركات: 7
انفاسك هوآي is on a distinguished road
افتراضي

اقتباس:
المشاركة الأصلية كتبت بواسطة ضـ القمر ـي مشاهدة المشاركة

السلام عليكم ورحمة الله وبركاته


رمضان كريم .

-عرفنا على نفسك بكلمات بسيطة ؟

- واحد من الناس عايش وخلاص ..انسان بسيط جدااا وقنوع وبرضى بأى شئ وبتحمل كتير.بس غير
محظوظ والحمد لله على اى شئ..طموح وعنيد ونفسي يكون معايا فلوس كتير واعمل بها مشاريع تفيد
الفقراء واطفال الشوارع..شخص قلبه يساع كل الناس..بس بيتعصب من التجاهل ومن اى حد يتغير عليه
فجأة..يمكن حساس زيادة عن اللزوم..صعب اطلب حاجة من حد ..اى حد بيقرب منى بيستفاد من اكتر ما
انا بستفاد منه


-شي معين تحرص عليه خلال شهر رمضان المبارك ؟
انى اعمل السحور كل يوم ..واصلى كل الاوقات فى المسجد..وقراءة القرآن ..

-موقف طريف أو محرج حدث لك في رمضان .
موقف حصلى وانا عندى 3 سنين يعنى من 26سنة وكنت بتفرج على الف ليلة وليلة
(قصة الاشكيف المخيف) فى التلفزيون وكنت بلعب فى ساعة ارقام بتاعة اخويا ,كان وقتها نادر لما تلاقى
ساعة ارقام يعنى مش عقارب.المهم ضغطت على زرار والساعة افتكرتها باظت وقاعدت اعيط وهما افتكرونى
بعيط عشان خوفت من الاشكيف اللى فى الف وليلة وليلة ,لان وقتها كانت رعب..وانا اعيط واخويا يقولى
متخفش دى العفاريت والاشكيف ده مش حقيقة وانا اعيط هههههه والف ليلة وليلة خلصت وانا اعيط..وفين
وفين لما سئلنى فين الساعة ولما شافها انى مخبيها ورايا قاعد يضحك وقالى بقى بتعيط عشان افتكرت
الساعة خربت ههههه..المهم قعدوا يضحكوا عليا..

اما الموقف المحرج..انى من سنتين لما كنت شغال جربت اتاخر شوية فى المكتب لحد ما يقرب الفطار
علشان افطر على مائدة الرحمن..كان نفسي اجرب اكل على مائدة الرحمن( عبارة عن فطار جماعى فى الشارع)
المهم انا كان معايا فى المكتب واحد زميلى بس هو كان دخل الاسلام بعد ما سئلنى كتير عن الاسلام
قصة طويلة يعنى..المهم هو كان اول مرة يصوم رمضان وعنده 28 سنة ومش معرف صاحب المكتب لانه
مش مسلم ..المهم نزلت اصلى فى الجامع تحت ولما خلصت صالة وجيت افطر على مائدة الرحمن لقيت
الاكل خلص وروحت للطباخ كلمته انى عايز افطر بس كنت محرج اوى..انا كمان كنت عايز اجيب فطار لزميلى
اللى دخل الاسلام..المهم خدت اكل قليل اوى ما يكفينى ..خدت الاكل وطلعت المكتب وقولتله انا جيبتلك
فطار ..وكل وانا مكلتش..بس فاض منه شوية اكل بسيط وانا قولتله حرام ترمى الاكل هات انا هاكل اللى
تبقى عشان حرام يترمى..وقتها قالى انا عارف انك جيبتلى فطارك ومكلتش بس ليه مقولتش ليا..كدبت
وقولته لاء فطرت بس حرام ترمى اكل فى الزبالة..كان موقف محرج اوى


-أكلتك المفضلة في رمضان ع الفطور ... ع السحور
ع الفطور العصير , ومش باكل كتير..بحب اى اكل وكل الاكل..يمكن اكتر شئ المحشى واللحمة
او الرز مع الشعرية والفاصوليا او البسلة ..
ع السحور ,انا اللى بعمل السحور ليهم وبيكون فول بالزيت والليمون .وبيض.وجبنة.وسلطة.

-شي تحرص على ان يكون متوفرا على السفرة في رمضان ؟
السلطة

- كيف تقضي يومك في رمضان ؟
اول شئ بسهر لحد السحور اما ع النت او اسمع مسلسلات واحيانا بأتكلم مع اصدقائى ع
الفيس..بعدين اقوم ع الساعة 2:30 صباحا ادخل احضر السحور وقبلها جوز اختى يفضل يقولى يا عم
ارحمنا وقوم اعمل السحور بقى عايز اتسحر وانام وافضل ارخم عليه وبعدين اقوم اجهز السحور ونتسحر
وطبعا احلى طبق فول بالزيت والليمون بعمله..
بعدين طول السحور اقعد اهرج وارخم عليهم وارجع اتكلم مع صحابى ع الفيس لحد الفجر يأذن اقفل معاهم
مؤقتا ههه واروح اصلى وارجع اكمل معاهم كمان ساعة واقوم انام واصحى بعد الظهر للاسف واقوم اصلى
الظهر وبعدين تبدء حملة النظافة ,ارتب المكان اللى كنت نايم فيه وامسح البيت وانظفه واحيانا اختى الوحيدة
اللى متجوزة بتساعدنى او انا بساعدها..هى عشان ماما مش معانا جات هى وجوزها وولادها الرخمين فى
بيتنا واتجننت منهم خصوصا هيما الصغنن عفريت..عنده سنتين كل شوية يقولى (هيم اسح حو) يعنى
هيما امسح البيت حلو هههه واد رخم زى امه
وبعدين ادخل ع المنتدى اشوف المسابقات ولو فيه وقت بنزل الاسئلة ولو العصر اذن بروح اصلى وارجع اكمل ع
المنتدى واجمع الاجابات وانزل الاسئلة..واشغل الراديو اسمع قرأن قبل المغرب..فى مصر بيكون قرآن بأصوات
جميلة ع الراديوا قبل الازان..وقبل ما يأذن المغرب اجهز العصير واتوضاء ولما يأذن اشرب العصير واجرى ع الجامع
ألحق الصلاة وارجع وللاسف ألاقى الفطار خلص وبقى بارد وكمان العصير خلص المهم بعمل
نفسي كلت وبعد كدة اقعد اسمع التلفزيون لحد ما العشاء تأذن واروح اصلى وارجع..كنت الاول بصلى التراويح
فى اول 10 ايام وبعد كدة تعبت ولاسباب خاصة مبقتش اصلى التراويح الا فى البيت واوقات لاء للاسف..وبعد كدة
اسهر تانى انتظر السحور وهكذا..يارب اشتغل بقى


-ماذا تتمنى في هذاالشهر ..؟! أمنية عامة وأمنية خاصة
اتمنى السلام يعم على كل العالم ومش العرب بس ..
وااتمنى اسافر السعودية واشتغل واعمل عمرة وحج ويبقى معايا فلوس وادعي ربنا يرزقنى بنت الحلال وابقى
اب وعندى عيال واتعصب عليهم وكل شوية اضرب الواد حوكشة ابنى واقوله انا عارف ايه اللى خلانى اتجوز امك
علشان تجيبك ليا وتقرفنى ,ماكنت قاعد جنب امى مرتاح
ونفسيى اشترى ارض واعملها جناين(حدائق فاكهة) واعمل فيها مزارع ومنحل وابنى فيها بيت ليا فى وسط
الارض علشان بحب جو الشجر والطيور والهدوء..ربنا يرزقنا بالجنة يارب

-بمن تفكر أول ما تسمع بحلول الشهرالكريم؟
مش بفكر فى حد..بس رمضان بيفكرنى (بشخصيات من زمن فات)..هههه تنفع اسم برنامج

-مين اول شخص قام بتهنئتك بمجرد اعلان دخول الشهر ؟
والله ما فاكر..بس ناس كتير بعتوا تهنئة ع المنتدى
اه صح افتكرت..بنت ع الفيس بتعتبرنى اخوها وكانت تتمنى انى اكون اخوها..وبحترمها جداااا..ربنا يحفظها
ويحميها يارب..

كم ختمة ختمها من القرآن في العام الماضي ؟
مرة واحدة..

كم جزء ختمته في رمضاننا هذا لحد الحين ؟ أو لأي سورة وصلت ؟
كنت بدئت كل يوم جزئين وبعدين اتعطلت وبلاش فضايح بقى..عشان انا اتاخرت كتير..بس على اخر
الشهر هختم ان شاء الله..

شخص تفتقده في رمضاننا هذا ؟
ماما وجدتى لانهم فى عمرة رمضان..بس بنفس الوقت ارتحت من عصبية ماما خصوصا بشهر رمضان
ههه بهزر..
اما ع النت افتقدت اشخاص كتير..


هل سبق لك وان اخذت عمــرة في هذا الشهر.. ؟ خلال هذا العام او الاعوام الماضية ؟
للاسف محصلش ونفسى بجد اعمل عمرة وحج ان شالله حتى اموت هناك بس ازور قبر الرسول..


شخص بعيد عنك تحب ان توجه له تهنئة بالشهر الكريم ؟
كل سنة وانت طيب ياللى فى بالى وقلبى, رغم انى عمرى ما هشوفك تانى..


هل لك اصدقاء فى الحقيقة او اقارب متواجدين في المنتدى؟
لا يوجد لدى اصدقاء ولا اقارب هنا


وهل سبق ان تناولت معهم وجبة الإفطار او السحور خلال رمضان ؟
ما عنديش اصدقاء هنا ..يبقى هفطر معاهم ازاى ههههه


-شخص تتمنى ان تبعث له باقة ورد بيضاء ؟؟؟؟
الشخص اللى بيدخل قلبى ببعتله كل وروود الدنيا واكتر كمان ..

-شخص تتمنى ان تقول له شكرا ؟؟؟؟
الشكر لله والحمد لله..

-شخص تتمنى أن لا يفارقك ؟؟
اهلى واى شخص عرفته واتعودت عليه..

- شخص تدين له بالكثير ..؟؟
معتقدش انى عليا ديوون لحد..ربنا وحده صاحب الفضل..اتخلقنا نساعد بعض..لكن الفضل لله

- شخص تتمنى أن تسعده ؟؟
هتصدقى لو قولتلك كل الناس نفسي اسعدهم واساعدهم حتى اعدائى كمان.والله ما بكذب..
حتى لو على حساب سعادتى وتعبى والله..

شخص تتمنى أن تقابله ؟
شخص واحد؟؟ قولى كتير..وعلى راسهم سيدنا محمد..واى شخص قلبى ارتاح له وعينى
ما شافته اتمنى اقابله..

- شخص آلمك ؟
عادى بقى الله يسامح اى حد ظلمنى او آلمنى حتى لو يقصد..وفيه كتير آلمونى..انا اول الناس اللى ألمتنى..

-شخص يزرع الفرح بقلبك دون أن يعرف ؟
يا نهار ابيض!! تصدقوا ان فى الحقيقة مفيش حد..للاسف انا اللى دايما ازرع الفرح في قلوب اللى حواليا..لكن ع النت فيه ناس بفرح من قلبى لما بكلمهم بدون ذكر اسماء

- شخص تعتز بصداقته ؟
فى الحقيقة معنديش صديق بمعنى الكلمة عشان اعتز بصداقته ..لكن عندى صحاب..
اما ع النت عرفت ناس واعتز بيهم..

-شخص بينك وبينه خلاف او زعل وكان شهر رمضان سبب في حل هذا الخلاف ؟
محصلش وكان فيه بينى وبين حد خلاف وشهر رمضان حل الخلاف..انا اصلا لما بختلف مع حد
ببعد عنه وبسكت
وع العموم هتكون دى اول مرة احل اى خلاف عشان شهر رمضان..لو حد زعلان منى.حقه عليا ,ولو انا زعلان
من حد الله يسامحه وانا سامحته خلاص..بس المهم يعرف انى مش معنى سكوتى على اهانته ليا انى ضعيف..بالعكس .اللى يعرفنى كويس يعرف انى شخص مش بيضعف لحد ولا بيتذل لحد ابدااا..


هل سبق ان قضيت شهر رمضان بعيدا عن اسرتك ؟ وكيف كان شعورك وقتها ؟
الحمد لله ولا مرة قضيت شهر رمضان بعيد عن اهلى..


دعوة على السحور توجهها الى ثلاثة من أعضاء المنتدى من هم هؤلاء الاعضاء؟
كل الاعضاء وبدون استثناء حد.. سحور جماعى يعنى..


/ عبر عن مايلي بما تريد

الامساك :ههههههه..اى امساك بالظبط ؟؟..هو كل مرة ع السحور بأكون
السبب فى تأخيرهم لحد ما الراديو فى المسجد يقول (مدفع الامساك اضرب)..وشكلهم بيبقى حلو وهما
بياكلوا بسرعة قبل ما يأذن هههه..لدرجة فى مرة وهما بياكلوا راح الاذان اذن وكل واحد كان فى بؤه (فمه)
اكل وانا عمال اضحك عليهم ...وهما عايزين يضربونى

قبل المغرب : بحب اكون فوق السطح واسمع اصوات المساجد وفيها القرآن
والطيور بترجع للشجر قبل الليل وريحة الاكل بجميع انواعه بتصعد من البيوت للسطح هههه..وجو جميل بجد
واحساس حلو..
لكن لما كنت شغال كان قبل المغرب بكون فى الموصلات وبسلى وقتى بقرأة القرآن فى مصحف الموبايل اللى
خرب ههه , وراجع للبيت انا وزميلى وكل شوية ناس فى الطريق توقفنا علشان نأخد منهم عصير او تمر او وجبة
فطار , وفى الاخر اروح البيت والشنطة مليانة عصير وأكل هههه..

أذان المغرب :لحظة الفرحة بأنى اخيرا هشرب ههههه..بشرب عصير او مايه
واخرج اصلى المغرب وارجع كالعادة ألاقى الفطار خلص..

تمر : التمر باللبن قبل الفطار بيجنن..انا اوقات بعمله

لقيمات : ايش هذا؟؟ ههههه.. تطلع ايه دى يا باز افندى؟؟تكونش
شيكولاتة

السمبوسة : هو انا اللى اعرفه الكنافة والقطايف وقمر الدين والمهلبية
والبقلاوة او لقمة القاضى..

الفيتمو : ههههه..بيتشرب قبل الاكل والا بعد الاكل ده ؟؟؟ متواجد فى الصيدالية
بكثرة؟؟ بصراحة معرفوش هههه

الشوربة : مش كييف شوربة..


كلمة اخيرة تحب تقولها ؟
بشكرك يا لمسة خيال على اختيارك ليا كضيف وبشكرك تانى ع الموضوع الحلو اللى بيجمع الاعضاء ويعرفنا
ببعض..
واتمنى انى اى حد زعلان منى انه ميزعلش ورمضان كريم..وانا مسامح على اى اهانة كانت فى حقى..
ونفسي اننا نراعى شعور بعض ومش لازم نعمل اللى يعجبنا احنا على حساب حرية وراحة غيرنا..
عارف انى رغاي..بس برغي فى اللى اعرف معلش هههههه



اتمنى انى اكون ضيف خفيف عليكم ..

ربي يحفظك لكل عين تحبك ..

 

 

من مواضيع انفاسك هوآي في المنتدى

__________________




















انفاسك هوآي غير متواجد حالياً   رد مع اقتباس
قديم 08-08-2012, 06:00 AM   #462
 
الصورة الرمزية ضـ القمر ـي
 
تاريخ التسجيل: Dec 2011
الدولة: cairo
المشاركات: 2,491
ضـ القمر ـي is on a distinguished road
إرسال رسالة عبر MSN إلى ضـ القمر ـي إرسال رسالة عبر Yahoo إلى ضـ القمر ـي إرسال رسالة عبر Skype إلى ضـ القمر ـي
افتراضي

اقتباس:
المشاركة الأصلية كتبت بواسطة لمسة خيال مشاهدة المشاركة
هههههههههههههههههه على فكرة اول مره اطول وانا اقراء اجابات حدا ههههه
بس بجد استمتعت جدا بمعرفتك وانت بجد شب محترم وطيوب اوى
تستاهل كل خير والله
والله يبعتلك بنت الحلال يارب
ان شاء الله تروح عمره وتزور قبر الرسول صلى الله عليه وسلم
بس استفسار على كلمه ماعرفتهااا ::البسلة شو معناها ؟؟!!
الله يتقبل صيامك ودعوتك يارب
ودى
دووووووووووم الضحكة ..والحمد لله انى كنت سسببها..
تسلمى وده بس من ذوقك..انا اقل من ظنك بيا كمان..
اللهم امين يااااااااارب
ههههههههههه..البسلة؟؟ ده نبات اسمه البسلة يشبه نبات الفول ولكن الفرق انه مستدير ولكن الفول مفلطح وهو من الحبوب ذات الفلقتين ولونه اخضر وطعمه فيه سكر وبيطبخ مثل اى طبخ..تسوى الكشنة او الصلصة ع النار اللى بتكون عبارة عن صلصة وتوابل وماء وبصل مبشور وزيت زرة او زيت زتون او ثمن ويوضع ع النار مع التقليب حتي تتسبك يعنى يفصل الزيت عن الصلصة وبعدها نضع حبوب البسلة الخضراء (المسلوق قليلا فى ماء )فى الصلصة او تسموها الكشنة مع التقليب واضافة قليل من الماء الدافئ وتزوق الطعم لظبط الملح ثم تتركيها حتى تنضج ..ملحوظة ممكن تطبخ بسلة فقط وممكن يضاف ها مكعبات البطاطس والجزر ..حيث تسلق الجزر والبطاطس والبسلة ثم تصفى من الماء ثم تضاف للصلصة المسبكة ع النار وتسوى قليلا ثم توضع فى فرن ومعها مكعبات اللحم ..الاكلة دى اسمها التوللى..اجيبلك صورة البسلة؟؟؟هههههه

 

 

من مواضيع ضـ القمر ـي في المنتدى


التعديل الأخير تم بواسطة ضـ القمر ـي ; 08-08-2012 الساعة 06:18 AM
ضـ القمر ـي غير متواجد حالياً   رد مع اقتباس
قديم 08-08-2012, 06:07 AM   #463
 
الصورة الرمزية ضـ القمر ـي
 
تاريخ التسجيل: Dec 2011
الدولة: cairo
المشاركات: 2,491
ضـ القمر ـي is on a distinguished road
إرسال رسالة عبر MSN إلى ضـ القمر ـي إرسال رسالة عبر Yahoo إلى ضـ القمر ـي إرسال رسالة عبر Skype إلى ضـ القمر ـي
افتراضي

اقتباس:
المشاركة الأصلية كتبت بواسطة انفاسك هوآي مشاهدة المشاركة
ربي يحفظك لكل عين تحبك ..
تسلم من كل شر يارب..

وليك بالمثل..ربنا يسعدك ويريح قلبك وبالك..

رمضان كريم

 

 

من مواضيع ضـ القمر ـي في المنتدى

ضـ القمر ـي غير متواجد حالياً   رد مع اقتباس
قديم 08-08-2012, 11:54 PM   #464
 
الصورة الرمزية لمسة خيال
 
تاريخ التسجيل: May 2010
الدولة: في قلـــوب أحــبــــائــي
المشاركات: 17,312
لمسة خيال is on a distinguished road
افتراضي

بصراحه ههههههههههههههه وربي مافهمت شي
كل شرحك ولا عرفتها هههههههههههه
اي هو الاحسن تجيب صورة ممكن عندنا اسمها غير !!

 

 

من مواضيع لمسة خيال في المنتدى

__________________


إلىَ السمآء السآبعه آذهبي يَ آمنيآتي كونيً قريبهُ ه من رب عظيمُ ...
فإن لم تعودي محققهٌ ه فلن تعودي مكـسورة الجنآح




لمسة خيال غير متواجد حالياً   رد مع اقتباس
قديم 08-08-2012, 11:55 PM   #465
 
الصورة الرمزية لمسة خيال
 
تاريخ التسجيل: May 2010
الدولة: في قلـــوب أحــبــــائــي
المشاركات: 17,312
لمسة خيال is on a distinguished road
افتراضي

شكرا ع مرورك انفاسك
هلا بيك يازؤء
ودى

 

 

من مواضيع لمسة خيال في المنتدى

__________________


إلىَ السمآء السآبعه آذهبي يَ آمنيآتي كونيً قريبهُ ه من رب عظيمُ ...
فإن لم تعودي محققهٌ ه فلن تعودي مكـسورة الجنآح




لمسة خيال غير متواجد حالياً   رد مع اقتباس
قديم 08-09-2012, 12:06 AM   #466
 
الصورة الرمزية لمسة خيال
 
تاريخ التسجيل: May 2010
الدولة: في قلـــوب أحــبــــائــي
المشاركات: 17,312
لمسة خيال is on a distinguished road
افتراضي

بشرفني دعوة بنوته قمر
محببوبه من الجميع وجميله ورقيقه
ضيفتنا راح تكون



^




^




^




^





^




انا مصريه

 

 

من مواضيع لمسة خيال في المنتدى

__________________


إلىَ السمآء السآبعه آذهبي يَ آمنيآتي كونيً قريبهُ ه من رب عظيمُ ...
فإن لم تعودي محققهٌ ه فلن تعودي مكـسورة الجنآح




لمسة خيال غير متواجد حالياً   رد مع اقتباس
قديم 08-09-2012, 02:14 AM   #467
 
الصورة الرمزية ضـ القمر ـي
 
تاريخ التسجيل: Dec 2011
الدولة: cairo
المشاركات: 2,491
ضـ القمر ـي is on a distinguished road
إرسال رسالة عبر MSN إلى ضـ القمر ـي إرسال رسالة عبر Yahoo إلى ضـ القمر ـي إرسال رسالة عبر Skype إلى ضـ القمر ـي
افتراضي

اقتباس:
المشاركة الأصلية كتبت بواسطة لمسة خيال مشاهدة المشاركة
بصراحه ههههههههههههههه وربي مافهمت شي
كل شرحك ولا عرفتها هههههههههههه
اي هو الاحسن تجيب صورة ممكن عندنا اسمها غير !!

ههههههههههه..قولى بقى انك عايزة تذوقى أكلة البسلة ..قال مش فاهمة قال..ههههههه

ده نبات البسلة


 

 

من مواضيع ضـ القمر ـي في المنتدى

ضـ القمر ـي غير متواجد حالياً   رد مع اقتباس
قديم 08-09-2012, 06:50 AM   #468
 
الصورة الرمزية انا مصريه
 
تاريخ التسجيل: Apr 2011
الدولة: عالم غامض لدرجة الوضوح
المشاركات: 29,442
انا مصريه is on a distinguished road
افتراضي



ههههههههههههههههه اللي واخد عقلك يا لمووووس
يا بنتي انا كنت ضيفتك يوم 26 / 7 .. هتلاقي ردي في الصفحه 41
ركزي ركزيييييي ..
معذورة يا قمر اكيد ده من تأثير الصيام .. ولا حاجه تانيه بقه

 

 

من مواضيع انا مصريه في المنتدى

__________________





















انا مصريه غير متواجد حالياً   رد مع اقتباس
قديم 08-10-2012, 02:54 AM   #469
 
الصورة الرمزية لمسة خيال
 
تاريخ التسجيل: May 2010
الدولة: في قلـــوب أحــبــــائــي
المشاركات: 17,312
لمسة خيال is on a distinguished road
افتراضي

اقتباس:
المشاركة الأصلية كتبت بواسطة ضـ القمر ـي مشاهدة المشاركة

ههههههههههه..قولى بقى انك عايزة تذوقى أكلة البسلة ..قال مش فاهمة قال..ههههههه

ده نبات البسلة




ههههههههههههههههههه لا وربي مش قادره بطني من الضحك
هو البسلة هي بزاليا وانا اقول ايه دي
لا والله ياضي ماعرفتها غير بالصوره
بس مابحبها ولا بحب طعمها الصراحه
مرررسي ضي غلبتك على الشرح
صحتين وعافية ع قلبك
ودى

 

 

من مواضيع لمسة خيال في المنتدى

__________________


إلىَ السمآء السآبعه آذهبي يَ آمنيآتي كونيً قريبهُ ه من رب عظيمُ ...
فإن لم تعودي محققهٌ ه فلن تعودي مكـسورة الجنآح




لمسة خيال غير متواجد حالياً   رد مع اقتباس
قديم 08-10-2012, 03:02 AM   #470
 
الصورة الرمزية لمسة خيال
 
تاريخ التسجيل: May 2010
الدولة: في قلـــوب أحــبــــائــي
المشاركات: 17,312
لمسة خيال is on a distinguished road
افتراضي

اقتباس:
المشاركة الأصلية كتبت بواسطة انا مصريه مشاهدة المشاركة


ههههههههههههههههه اللي واخد عقلك يا لمووووس
يا بنتي انا كنت ضيفتك يوم 26 / 7 .. هتلاقي ردي في الصفحه 41
ركزي ركزيييييي ..
معذورة يا قمر اكيد ده من تأثير الصيام .. ولا حاجه تانيه بقه

ههههههههههههههههههههه بت كسفتني
هي بتاعتكم البسلة دي واخده عئلي يابت مو شايفه ههههههههههههه
حاضر امرك يابيك
يابت هو نورك بالمنتدى مخليني مو شايفه غيرك اعمل ايه بس
شرفتني حبيبتي سوسو
ودى

 

 

من مواضيع لمسة خيال في المنتدى

__________________


إلىَ السمآء السآبعه آذهبي يَ آمنيآتي كونيً قريبهُ ه من رب عظيمُ ...
فإن لم تعودي محققهٌ ه فلن تعودي مكـسورة الجنآح




لمسة خيال غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
دعوة عضو إلى السحور اتفضلوو ~

جديد قسم نهر الخيمة الرمضانية

إعلانات عشوائية



أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 05:02 AM.


Powered by vBulletin® Version 3.8.8
Copyright ©2000 - 2017, Jelsoft Enterprises Ltd.
SEO by vBSEO 3.6.1
:: جميع الحقوق محفوظة لمنتديات نهر الحب ::

Security team

 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286