قصتي مع ساره جارتنا الله يهدها &&&

قصتي مع ساره جارتنا ..

.
أعرفكم على ساره قبل لاأكتب عنها انسانه دبه .. متبلده الاحساس .. ماتعرف غير الاكل .. أتمنى ان لاترونها أبدا .. وهي جارتنا الباب في وجه الباب وهذي أكبر مصيبه ..

قبل لا اعرف ساره كنت عايش في ترف وحريه تامه لاأعرف الخوف ولاأعرف شئ أسمه التهرب والهروب .. واقع رهيب ..


متى مابغيت اطلع من البيت أطلع مايردني شئ .. أروح وارجع للبيت ولاأحد يقولي وينك .. حريه مطلقه ..

من قبل فتره اذا طلعت من البيت اشوف باب جيرانا فيه احد يطل منه وطبعا جيران ماراح تطالع لانه عيب .. بديت الاحظ هالشئ مره مرتين ثلاث .. بس اذا طلعت ينفتح الباب .. انا قبل لاأسكن هالبيت أسمع قصص عن بنت في هالحاره أنها ماخلت راس في الحاره الا مفلوق .. بس من هي ياترى الله العالم ..


بدا يدخل فيني الخوف .. صارت البنت بدال ماتطل تجلس عند الباب وعليها نظرات ( حقد ) وانا في قلبي اقول الله يستر .. مع اني ماسويت لها شي



المهم البنت الظاهر ماقد مشطت شعرها عليها شعر تقول قشعه .. يوم اسبوع استغفر الله ياربي اذا شهر ماتروشت ..

فلم مرعب اشوفه كل يوم والمشكله تلبس لبس الوان خياليه
الظاهر ماقد شفت مثل الالوان اللي تلبسه ..
وينها عن جفنشي


وذات يوما وانا طالع من البيت الا البنت بيدها
(علبة ببسي عائله )

ويدها الثانيه

( همبرغر )

وماتسمع غير صوت الفك .. وانا اقول في قلبي ياولد البنت هذي مالها والي ..
وتعطيني من ذيك النظرات اللي على باله رومنسيه ..
وانا القلب شوي يطلع من مكانه من قوه الرجف .. الله يستر الله يستر
<< خايف من قارورة الببسي تتعداني



ومرات الايام والبنت نظرات وعلى هالموال ..
وفي يوم من الايام وانا راجع من المقهى طرت على بالي هالبنت
قلت خلني اشتري لها اشرطه اغاني يمكن البنت تتسمع الاشرطه وتبتعد عني كم يوم ..
مريت المحل وأخذ ثلاث اشرطه من الاغاني ..
خفت اشتري لها رابح صقر وترج الحاره من الازعاج ..
ويوم وقفت السياره الا الكشه طالعه من الباب بابتسامه زرقاء ..
ومركبه سن نيكل مع حلايا هالوجه ..




وأخذ الكيس وأحذفه عند الباب .. البنت أخذت الكيس وشافت وش فيه
وقالت لي : استنى ..



مرت نص ساعه .. ساعه .. ساعتين .. ذبحني الحر عند الباب
انا قلت يمكن البنت بتسوي لك منوعات والا شئ ..
وشوي قلت يمكن البنت نامت ونستك ..
بديت اتوهم ..

عاد وانا افكر كنت امشي رايح لحد الرصيف حقهم وارجع للرصيف حقنا ..
وشوي وانا راجع من رصيفهم الا ذاك كرتون البطاطس جاي ماشي مليون
وعلى الراس من وراء .. انا من قوة الصفقه تبطحت على الشارع ..
والظاهر اخذت 5 دقائق وانا منسدح وشوي وافتح عيني اليسرى الا وكرتون البطاطس قدام عيني .. وانا قايم اقول في قلبي ابوك ابو الرومنسيه اللي تعرفينها ..
وأخذ الكرتون عاد الكرتون صغير مثل حق بطاطس حائل .. << دعايه مجانيه



ياولد وش سالفه هالكرتون لايكون تبغاني احط فيه بطاطس جوعانه البنت
وارج الكرتون الا فيه صوت قرقعه .. وافتحه الا حاطه لي شريط
قلت ياقلبي على الرومنسيه .. الحين تحصلها مسويه لي منوعات ..

قلت مادام استنيت شغل الشريط في السياره خلنا نشوف ذوقها ..

وأول ماحطيت الشريط


وش تتوقعون ؟؟


:

شريط طقاقات


ومن القهر اللي فيني رفعت الصوت اعلى شئ الا قرونها من فوق السطح ترقص .. مهبووله بطت كبدي .. انا ماصحيت الا ذاك البكس في عيني من من ..

من ابوي .. فضحتنا انت وراسك ..

واسكر الشريط واطالع فيها ذيك النظره الحاره .. وانا ماشي وراء ابوي داخل البيت ..
وهي ماتشوف فيها الا السن النيكل اللي يلمع ..

وادخل البيت وأعاتب نفسي وش الله حادك ياخي ..

الحين وش بتسوي ..
بدا ابليس يتخبط في مخي ..


طبعا راح اليوم كله في التفكير ..
وأطلع عند الباب باخذ الشريط حق الخايسه باحذفه لانه شؤم ..
الا وهي جالس عند الباب وتقولي ..
انت من حلات وجهك العالم تهدي كيك .. حلاو .. خبز ..
وانت مهديني اشرطه ..


بغيت ابكي من القهر ..
واتعوذ من ابليس وأدخل البيت ..
وأدق على واحد عنده سكتون هواء .. ( بندقيه خفيفه ) نوع من السلاح مايذبح
قلت ذابحها ذابحها هالبنت ..



جاني الرجال وعطاني المتفق عليه ..
وبحدد الوقت اللي بحطها في عينها والا في يدها والا في رجلها ..



وانا طالع من البيت الا هي جالسه مع عيال الحاره تتهاوش
لاحول الله .. وش اسوي معها هذي .. واصايح عليها يابنت عاد بيني وبينهم سياره سوبربان علشان اضمن ماتطب علي ..



الا مو يمي البنت متحمسه مع الهوشه ..
وشوي الا يوم جتني تركض ياولد اطلق عليها اخليها تموت ( حرام ) اتركها بس
واخذف السكتون وافتر على السوبر وكل ماقربت جتني تكفىوصف الفزعه
الفزعه .. اي فزعه خبله انتي انقلعي ياوجه الطفش ..



وشوي الا وانا طايح من كثر الفراره ,,
عندها
انا طحت والا السماء طاحت علي ..
انا لاشعورين النفس انقطع من ريحه الشعر ..



واخذ من الحصى اللي تحتي وفي راسها ابغى البنت تقوم ..
ويجون عيال الحاره ويفكونها مني ..



واركض للبيت على السكتون شوي الا يوم هدوني عيال الحاره تعوذ من ابليس تعوذ من ابليس ..

تعوذت من ابليس ودخلت البيت وانا داخل قال واحد من العيال ترى هذي مجنونه لاتواخذها ..

مجنونه ..


ايه مجنونه توك تدري

من جدك انت


ايو الله ..


حنيت عليها واخذتها من يدها وادف الباب وادخلها .. واشتري قفل حديد لاتخسر واقفل ام الباب ..

واقوم اليوم الثاني الا كاتبه على الجدار من فوق

( free dom ) ( الحرية )
بالحمره حقت الشفايف..


وأكلم مستشفى المجانين ..

ويجون وياخذونها قلت هالبنت مو صاحيه ..


وبعدت فتره اشوف ابوها يشيل اغراضه وناقل من البيت ..
وماشفتها من ذاك اليوم ..
وتوته توته خلصت الحتوته ..

ملاحظه

القصة من نسج الخيال

ساره اسم مستعار

اللى اسمها ساره لاتزعل


<-- والا هذا من يطالع وجهه حتى المجنونة ماتبغاه


اش رايكم بالقصة


تحياااتى