كن من متابعين نهر الحب عبر تويتر

اضغط اعجبني ليصلك جديدنا بالفيسبوك
قديم 04-16-2009, 04:19 AM   #1
والله الجفااا برد
 
تاريخ التسجيل: Apr 2009
المشاركات: 2,909
مــســاري is on a distinguished road
uu25 ][ رزق الهبل على المجانين ][

السلام عليكم ورحمة الله وبركاته







نسمع ذاليومين أنتشرت إشاعه بنت تسلب .. مفادها أن المكاين اللي من نوع "سنقر" فيها زئبق أحمر, وقالوا أنه يصنّع بواسطته قنابل نوويه ..

ويستخدم في تحضير الجن .. ألخ

الزبدهـ .. أن أسعار المكاين كانت بـ 200 ريال أول ماشروها شيابنا وعجزنا, وألحين وصلت 10000 ريال

حراج بن قاسم "فالرياض" تركوا كل البضايع وصار كلن جايب مكينته يبي يبيع !!

فيه ناس مخفات .. يسمعون من هنا ويشترون من هناك .. ويبلشون!!

وناس أذكياء .. يصرّفون المكاين القديمه .. ويستغلون فرصة العمر !!

وسلمني على وزارة التجارة ..!

وسلمني على "الشعب اللي مايتوب من كثر ماينلعب عليه" ..!


//
من خلال فرّتي لعالم النت , ياكثر المواضيع اللي نزلت على هالموضوع ..

حاولت أجمع بعض المقتطفات لأجمل الردود اللي قريتها :


فارس

بصراحه انا عندنا أله خياطه قديمه أتوقع من قدمها تكون كلها زئبق


فهد

شكلها بتكون زي الاسهم والله الشعب مو لي من جد انا رحت اكلم الاهل واقول طلعوها لو من تحت الارض


مشعل سالم

يليت عندي ماكينة لابيعها بسعر الهمر


سماسم

المكينة كذبة ابريل
يا جماعة لو قلنا الغسالة ال جي فيها بترول راح تلحقو عليها..
للأسف الفكر بدأ يرجع الى الوراء


ابو راشد

تخيلو لو قالوا ان الزئبق الاحمر يوجد
في مخ سيقان العجايز كان كلاً باع جدته بمليون ههههههههههههههه لاتستغرون ناس ماتفقه


ابوعلي

وانا اقول ليششششششششششششششششش ماعندي في البيت شبكت جوال تروح وتجي
ياجماعة انا عندي مكينة الي بيشتري 500000ريال عمر المكينه 36من ولادتي


المحتاج

دورولي ثلاث مكائن بصفة عاجلة والله أني مديون وابا أسدد ديوني


خالد

صدقوني اللي يقولون اهل العقول في راحه انه لو عنده مكينه كان اول واحد راح يبيعها خلونا من الكذب ناس طفرانه تدور على الهلله


اموله

الكلام صحيح مو اشاعة مافي دخان من غيرنار اكيد ان الزئبق في المكائن لازم يكون فيها عشان تشتغل والشركة مضطره تصنع المكائن بالزئبق والزئبق مهم في صناعة الاسلحة المطوره


مرمر

ياناس والله لو قالولكم تحت بيوتكم كنز غير تصدقوهم وتهدمون بيوتكم عشانه هذه كذبه كذبه كذبه والعقل زينه


ابوفارس

اللهم ارزقناء من مكائن الخياطة والله اني بحاجه حتى اتزوج وستر نفسي


العقل المدبر

تروني اضحك عليكم انا قلت وانتو صدقتو بكيفكم ,الحين ماباقي عندي الا مكينة واحدة مين يشتريهاوبسوي عليها تخفيض 50%أول زبون يجيني ابيع عليه.لاتتاخروا الفرصة ماتجيك بالعمر الا مرةههههههههههههههههه


ابو فيصل :

انا ماهمني زئبق احمر يورانيوم اشاعات اهم شي الدراهم


سامي الحربي

انا كسرت مكينه جدتي ولا حصلت فيها شي كلها حديد باختصاار الزابق لاحمر مش فيها الي يبي زابق يحصلهالمصانع بلترات والجوالين والجكوك ...........قالوووو مكينه


ابو محمد :

والله الخبر مية بالمية صح الحقوا قبل لا تروح عليكم والله احسلكم يا اهل الفقر الحقووووووووووااا,انا اشتري اي مكينة اما او ابو فراشة ,تدر ليه؟في الرياض الأسعار حق المكاين وصلت 300000,,اقطعوا اول تذكرة للرياض وروحو بيعوا


ابو فارس

عندي المكية المطلوبة بس ماراح ابيعها لانها ذكرى والذكرى لا تستبدل بالدراهم


ربيع الشريف :

وتدبرة يابو شرف ,علموني وين ومكان الحراج عشان ابي اسرق خياطة امي وابيعها بس العندنا عليها علامة فراشة كيف تجيب الخمسين الف


سعيد

جدتي عندها مكينه من اللي عليها الكلام وقلت لها هذي السالفه, قالت والله لو يجيبون زوجي (جدي الله يرحمه) ومعه مليونين مابعتها
فاذا منكم واحد من لجنة اصلاح ذات البين يجي يقنعها تكفووووون , ابغا اصير مليونير من مكينة جدتي


محمد

انا عندي مكينتين قديمه,اللي يبيها حادها 200 الف,انا ماانــــــــــــي طــــــمــــــاع,انااا محتاج وقابل على الزواج, وليخذه الله حيـــــــه علـى الزواج.؟


حظي ردي

يوم سمعت بالسالفة على طول دقيت على جدتي قلت معاكي مكينة خياطه قالت وش القصة جارتنا ام علي طلبت مني المكينة واعطيتها


ام تركي

شر البلية مايضحك


بدير

عندنآ فريزر تحط فالقوآلب مويه ورد .. وتطلع لكـ سبآيك ذهب ..
السومه بـ 5000 // من يزود؟؟


بدر أبو نقطتين

وحده داقه على امي تقول هلا والله يوخيتي ام بــدر والله عيالي جابوا لي مكينة خياطة جديدة ولاعرفت لها متعوده على القديمة ام (نمر) اذا عندك وحده بعطيك الجديدة وعطيني القديمة
ولا ابي منك فرق في القيمة انا وياتس خوات مابينا حساب <<<<<<الله من الخباثة


كيوت قيرل

حنا عندنا جوال اذا حطيت فيه الشريحه انقلب لاب توب معه طابعه ليزر وبيبسي وجلسه على البحر تونس
ولا احد يتصل بعد العصر لانو يصير زحمه الاتصالات على نفس الجوال


ودتس أنتس أنا

رـآحت علينآ مآعندنآ مكينه وآنآ آشوف آمي مغير تدقدق ع جدتي هآه وش صآر آسم مكينتس عسىآ مآهيب ام فرـآشه لالا نبي آم آسد سنجر ~


لحن الغروب

جددتي عندها مكينتين طبق الاصل اللي في الصوره , والله جددتي طلعت منيوليريه <<< مو عارفه كيف انطقها المهم تفهمونها
وانا اشوفها ليل ونهار تنظف فيها ويوم نقول لها يا ستو لييه طاقه غرميات وعشق مع هالمكاين, تقول هذي صقيقتي من يوم ظهرت على الدنيا
لكن للاسف الحين اكتشفت ان جدتي مخها تجاري ومحتفظه بالمكاين مو عشان الحب لاااا عشان الكنز <<< امحق حفيده


ابوحاتم1

امس منظف البيت من القراشيع وفيها مكينة ام فيل والظاهر ان فيها يورانيوم لا ومعها جهاز للطرد المركزي اللي يبيها يعلمني تراي بعطيه ببلاش


نص ربع

ثنين من عيال حارتنا شاقلين لهم مكينة خياطه ومتوجهين للحراج ، وإتصالات هاتفيه تنهمر على جوالي ، ومحلات الخياطه النسائيه صارو يخيطون بأبرة وخيط باعو مكاينهم هههههههههههه


الجلاده

اخت زوجي تقول ان عندها وحده في بيتنا القرنبع الي في الباحه , بيت طايح سقفه , اخاف احد يدرا بها ويروح يسرقها


سكارون دبل

المكينة مالها قيمة , هم يستخرجون الزئبق ويخلطونه مع عصير الربيع منجة وبطاطس ويحطونه بالثلاجة 15 يوم , بعدين يتروشون به ويصيرون اقوياء , صدقوني مجربه انا جربتها والحين انا اقوى واحد ببيتنا


mlk3

امس رحت لمي قلت لها يمه راحت ب 50 ريال قال وخر بس هذي ابيها ذكرا .. قلت يمه اها بس وشو ذكراته .. عاد قلت لها السالفه قالت جل بالنصيفه هههههههههههههههه فيها عرق سديراوي


تم تم تك

لين هنا والكلام كويس لين جاء خوي لي قبل ساعة وقال لي ترى سالفة الزيبق الحمر صدز وتراه صدزموجوده في المكاين امهات اسد وإذا ماانت مصدز كلامي كلم جدتي وهذا رقم جوالها وتراها مهيب بتخالف تكلم الشباب المثقفين وتحب تتناقشهم
المهم كلمت جدته وطلعت السالفه صدز قالت اسمع ياوليدي انا من رواد المملكة اللي حضروا عبدالعزيز واعرف كل حتحوته تصير فيذا شف وانا جدتك هذا سلمك الله يوم كنت في ريعاني شبابي شرا لي ابوسعد زوجي هديه عبارة عن مكينة ابواسد وكانت ذا الهديه بمناسبة عيد الحب في ذاك الوقت وقال لي شوفي ياحياتي ذا المكينه فيها كنز ثمين ولازم تحافظين عليها وقعد ابوسعد سنه بعد ذا الهديه وفنقش ومن يومها ياوليدي وانا محافظه على ذا المكينه لا لشي ولكن لانها تذكار من ابوسعد في عيد الفلنتاين والثاني عشان الكنز اللي يقوله واليوم عرفت وشنهو الكنز الزيبق الحمر اللي يحضر الجنون جعلها تطير فيه اجل ملعون الصلايب يبي يحضر لي جنون ويقول لي كنز ماكنش العشم يابوسعد هذي نهاية الحب ياحقير يابوسعد جنون


فلسفة ألوان

الله يعوض عليكم.... كانت معكم زكيه زكريا...


//
سامحوني يا أصحاب الردود في إقتباسها .. بس ما أقتبستها إلا لأنها أعجبتني /~




في ختام هالمسخرهـ .. ياناس .. يابشر .. إصحوا ..!

أمس ينلعب عليكم ب" مساهمة البندقيه"

وبعدهـ ينلعب عليكم ب"بطاقات سو"

واليوم ب"مكاين الزئبق الأحمر"
..

 

 

من مواضيع مــســاري في المنتدى

مــســاري غير متواجد حالياً   رد مع اقتباس

قديم 04-16-2009, 04:25 AM   #2

عضوة مميزة

 
الصورة الرمزية خجولة المبسم
 
تاريخ التسجيل: Jan 2009
الدولة: بعيــده عن هو1هـ ~
المشاركات: 20,654
خجولة المبسم is on a distinguished road
افتراضي

طايحين بسالفه هالمكائن !!!

الله يكملهم بعقولهـم


يسسـلموآآآآآآآ مسـآ‘ري

طرح رائع وجا في وقتهـ


دمت مميز اخوٍِي

تحيتي

 

 

من مواضيع خجولة المبسم في المنتدى

__________________




‏?قَالْوُا عَلامَكْ صَـامِتْ !:x
قِلْتْ يَانَاسْ كِثْرْ الْكَلامْ
يِقِلْ لاجْلَهْ مَقَامِــيِ}~..
الْصَّمْتْ حِكْمَهْ“.،

وَالْحَكِي مَــصْدَرْ إفْلاسِ

خجولة المبسم غير متواجد حالياً   رد مع اقتباس

قديم 04-16-2009, 03:17 PM   #6

من مؤسسي نهر الحب

 
الصورة الرمزية ساحر القلوب
 
تاريخ التسجيل: Nov 2006
الدولة: ღ♥ღ في قلبها ساكن ღ♥ღ!
المشاركات: 20,640
ساحر القلوب is on a distinguished road
افتراضي

هلا

مساري

الله المستعان على مايصفون

لعب على الناس بفكرة المكائن

وصدق رزق الهبل على المجانين

تحيتي لك

 

 

من مواضيع ساحر القلوب في المنتدى

__________________

ساحر القلوب غير متواجد حالياً   رد مع اقتباس

قديم 04-16-2009, 04:33 PM   #8

عضوة مميزة

 
الصورة الرمزية •ٍ{ رٍعُشُة هُدُبُ }•ٍ
 
تاريخ التسجيل: Feb 2009
المشاركات: 355
•ٍ{ رٍعُشُة هُدُبُ }•ٍ is on a distinguished road
افتراضي

لاحول ولا قوة الا بالله العلى العظيمـ

انا ما ارحمـ الا الي يشتريها وبعدين

يطيح سوقها لما الناس اتميز انها كذبة

وش بيكون موقفة بجد اهل العقول براحة

تسلمـ يمينك

 

 

من مواضيع •ٍ{ رٍعُشُة هُدُبُ }•ٍ في المنتدى

__________________

لايوجــــــــد حالياً

•ٍ{ رٍعُشُة هُدُبُ }•ٍ غير متواجد حالياً   رد مع اقتباس

قديم 04-18-2009, 03:14 PM   #10

عضو مميز

 
الصورة الرمزية kafrawy
 
تاريخ التسجيل: Mar 2009
المشاركات: 475
kafrawy is on a distinguished road
إرسال رسالة عبر Yahoo إلى kafrawy
افتراضي

مشكور اخى الكريم على الموضوع
بس كنت احب انوه الى نقطه بسيطه.

عنوان الموضوع يا اخى اعتقد ان فيه شيئ من الحرامنيه .

لان رزق الهبل والمجانين على الله وحده ....تقبل مرورى..

 

 

من مواضيع kafrawy في المنتدى

__________________

kafrawy غير متواجد حالياً   رد مع اقتباس

إضافة رد

مواقع النشر (المفضلة)

جديد قسم ساحة نهر للنقاش الحر والحوار الجاد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 01:04 PM.


Powered by vBulletin® Version 3.8.8
Copyright ©2000 - 2018, Jelsoft Enterprises Ltd.
SEO by vBSEO 3.6.1
:: جميع الحقوق محفوظة لمنتديات نهر الحب ::

Security team

 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378