كن من متابعين نهر الحب عبر تويتر

اضغط اعجبني ليصلك جديدنا بالفيسبوك
قديم 12-27-2008, 06:20 PM   #1

عضو مميز

 
الصورة الرمزية oJgJI JIjJj
 
تاريخ التسجيل: Oct 2008
الدولة: ولاية زلفونيا
المشاركات: 1,030
oJgJI JIjJj is on a distinguished road
uu25 00بنات السعودية00

Advertising



السلام عليكم ورحمة الله وبركاته


أدري الكلام طويل ولكن أعذروني على الاطاله كما اني فض القلب في حديثي

العفو منكم والمعاذير منا


كان يا ما كان

قبل 10 سنوات او حولها

كنا لما نمشي في ديرتنا ونشوف اجنبيه فاتشه

تطير عيوننا .. نقول وش هذي .. يا ساتر ..

كان يا ما كان

قبل ثلاثة ايام

افتح ايميلي واشوف رساله من قروب مشهور... صور لبنات ويتفاخرون انهم سعوديات

السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين

لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات)..

،،،،،،،،،،،،،،،،،،،،،،،،،وكلام مشفر لانالوضع في الصورة مخزي


قله الحيا هذي مهيب مقبوله!!

10 سنوات فتره موب قليله ..

كيف وصلنا لهذي الدرجه من فراغ الاخلاق . ؟؟


الصيف اللي راح.. للأسف غلطنا ورحنا لدوله عربيه

مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!!

ويلومننا ليه نكره الدول العربيه!


رحنا لمطعم سقيم..طلع فيه واحد عالستيج.. ومسك المايك وقال((احلى تحيه لشعب السعوديه))

وتصفيييييييييق..!!


لحقونا بعد شوي الشعب الاماراتي والكويتي..


بس السعوديه عادها يمكن 6 مرات..


جلست افكر.. ليه يعني حنا اكثر؟؟

فكرو فيها شوي.. لين يخلص الموضوع بعدين جاوبو..


......
ارجع الحين لصلب الموضوع..

ليش صرنا نشوف صور كثيره.. وعناوين الصور((سعوديات..سعوديات..سعوديات))


لو نتفرج عالصور..


نلقى رجول..


نلقى جزم!


نلقى اساور خضرا<<يعني ترا حنا سعوديات..



والفيس بوك عاد..والهاي فايف.. انواع الصور اللي مدري وش اقول عنها


شفايف..


........

عيون..


ونادر ما تلقى وحده حاطه وجهها..



على فكره.. اللي تحط صوره وجهها,, محترمه اكثر من اللي ترزز اشياء ثانيه!!



يعني عشانكم تتغطون..تروحون تصورون ذا الصور..!


تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف مضحك مر فيه..موقف مؤثر..


او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟


ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..


ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

وش هالفضاوه في العقل لدرجه انكم تصورون يدينكم.رجلينكم.. ((شنطكم الماركه))..


يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو..


بس ان الوحده تجي تصور مقفاها.. هي وخوياتها.. وكاشخه بالجي سترينق!!

والمنتديات والقروبات السعوديه تتسابق لنشرها ..

الدال عالخير كفاعله.. والشر بعد..


بعدين انتي ياللي مصوره انتي وخوياتك..


يعني انتي همك الوحيد ما يشوفون وجهك عشان محد يعرفك..


بس مقفاك.. شفايفك.. و،،،،،،،،،، عادي يشوفونه!!


لأن المهم عندك الناس.. موب الله؟؟


طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟


اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟


عيب يعني..يعني عشانكم بنات مع بعض عادي تورون بعض يعني؟؟


ولا اقولكم..انا نسيت انكم ناشرين الصور للعيال..فما يهمكم البنات..



يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..



ودي اعرف امك..وابوك..وش بينظرون لك بعد ذا الصور؟؟

يعني حرام..اهلكم ربوكم احسن تربيه..

بس انتم للأسف ما ربيتو انفسكم..

فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!



ولا قروب ثاني سعودي برضو..والصور اللي ناشرينها..


ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!


طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟


ماااااااااااااااره كوووول انتم صراحه!!



طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه..


اللي همهم نوم واكل.. وفلوس ياخذها من ابوه ولا امه!



تطورو شوي.. ارتقو شوي..اطلعو بصوره احلى من كذا..



انتم عارفين ان النت اكبر وسيله انتشار..


قبل فتره.. في ام بي سي فور.. تدرون ان في برنامج من برامجها عارض بروفايلات لبنات

سعوديات.. باسماءهم.. طبعن موب اسماء حقيقه.. !

بس شوفو الصور انتم! شفايف و ،،،،،،،،،،، ومدري وشو..

علقو على هالشي باننا متكمكمين بعبايتنا عشان كذا نروح عن انفسنا بذا الطريقه..


ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟


انشرو شي حلو,,حاولو تطلعون بشخصياتكم الحقيقيه..

موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه..


ليه بس تنشرون الشي الشين؟


انواع المقاطع الشينه تنتشر.. انواع الصور الشينه..


ليه؟ وش استفدت؟؟ غير الذنب والاثم.. انك خليت احد يشوفها..

وانك نشرت شي مو كويس عن المسلمين!



اقولكم شي؟

شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..

طبعن لفئه معينه من الناس..

بس تدرون ان الكتب تترجم لاكثر من 22 لغه؟؟

تدرون انهم برا يدرسون الكتاب فيه دوله من الدول

يدرسونه؟؟ تخيلو؟؟

رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..

وتصلح هالاخطاء..


يا حلّو الثقافه اللي يتثقفونها بس!


يعني الحين اللي برا..يدرسون الكتاب كنص سعودي ادبي يمثل حياة السعوديين..

كله سلبيات في سلبيات,,!,,مثلا احنا الحين ندرس..روبنسون كروزو في الجامعه.. ع

لى اساس انه نص انجليزي يمثل الحياه الدينيه والسياسيه الاجتماعيه في هذيك الفتره..

هم يدرسون (بنات الرياض) لتمثيل المجتمع السعودي!


انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته

اشوفه بعيني عندنا..

وكل اللي سوو عليه ضجه.. هذولي يبون يعترضون لمجرد الاعتراض..


ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!!

ليه تنكرون كل اللي بالقصه وانه موب موجود!

الا موجود ونص والدليل هاللي نشوفه بالنت والسوق والجامعه وكل مكان!

رجاء الصانع تبي تصلحكم وتفتح عيونكم على اخطائكم..

لكن موب الغلط في اللي كتبته رجاء.. لكن الغلط في مخ كل من يقرا الروايه!!

شلون الواحد يصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس!


بس عادي يدشرون ويخربون وكل شي.. بس ما ينتشر عنهم شي!


ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن

قصدكم سعوددين= ناس طاهرين!


غلط ! كل دوله بالعالم فيها الصالح والطالح..

البيت الواحد فيه الصالح والطالح..


ما تحبون احد يحكي فيكم ابد.. بالرغم من كل الاغلاط بحياتكم..




قبل فتره سمعت انهم رحلو هشوم الرياض.. الى ديرته الحقيقه(سوريا)

وانه لا يمت للشعب السعودي بصله!

كأن ما عندنا سعوديين من هالجنس!!





ليه ما تصلحون ايميلات تعود لكم بالفايده؟وتحسن سمعتكم!

وتظهر الجانب الحلو في كل سعودي وسعوديه؟


بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..

وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها

لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم

تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات

ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي

يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل

والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي

نعرفهم!!


شله شباب..اعرفهم بعد.. طبعن هم نجديين..طالعين لجده..في رحله بحريه..وصادو كميه لا بأس بها من السمك..

تدرون لو بيبيعون هالسمك.. كم يبيجب لهم؟ تقريبا 4 الاف..

بس هم كانت نواياهم اهم من الفلوس..

اخذو هالسمك وودوه لمنطقه فيها ناس فقرا.. وتصدقو..




برضو حمله تبرعات الراجحي..

ترا اكثر من تبرع فيها شباب..


((المواقف مذكوره عشان ابين انو فيه ناس كويسه,,يعني ابين الجانب الايجابيه))


يعني فيه ناس تشتغل.. فيه ناس عندها اهداف..

موب بس بالنت.. حتى برا النت,,

سواء بنات او شباب..

نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون.. ما تسوون هبال.. بس برضو بحدود..




موب عشانكم ورا الشاشات يعني عادي؟؟


(هياط ورا الشاشه = مرض)


الصور اللي من النوعيه اللي ذكرتها في البدايه.. بطلو تنزلونها النت.. بطلو تحطونها بالبروفايل

حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك..


اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار

هالظاهره..لأن التقليد عندنا اعمى!!


وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور

والفيدوهات.. ترا عليكم اثم لو نشرتوها..

حرام.. يعني ما تخافون من ربي؟؟

اولن نشرت شي حرام. ثاني شي ما سترت على بنت او ولد الناس..

ما تخاف ربي يفضحك بشي بعد سنه او 2 او 100!!







( أنتظـر تعليقاتكم باأحر من جمر )

 

 

من مواضيع oJgJI JIjJj في المنتدى

oJgJI JIjJj غير متواجد حالياً   رد مع اقتباس
قديم 12-27-2008, 07:15 PM   #2

عضو مميز

 
الصورة الرمزية امير الكلمة
 
تاريخ التسجيل: Jun 2007
المشاركات: 2,763
امير الكلمة is on a distinguished road
إرسال رسالة عبر MSN إلى امير الكلمة
افتراضي

الله يهدي شبابنا وشاباتنا الى كل خير ويبعد عنهم كل شر

وتقبل تحيتي ومروري

 

 

من مواضيع امير الكلمة في المنتدى

__________________


أروع لحظات الحياة حينما تقف ذاكرتك محطات لأسماء عزيزة

على قلبك تكتشف يوما بعد يوم

أنهم كنوز تبقيهم في رصيد حياتك

فأينما حللت تجد بريقهم يتبعك

فتأنس بهم وتهتف صادقا بالدعاء

لهم بكل خيري الدنيا والأخره

امير الكلمة غير متواجد حالياً   رد مع اقتباس
قديم 12-28-2008, 05:57 AM   #3

عضوة مميزة

 
الصورة الرمزية أمـــــ الغلا ـــــيرة
 
تاريخ التسجيل: Nov 2007
المشاركات: 12,047
أمـــــ الغلا ـــــيرة is on a distinguished road
افتراضي



موضوع رائع فعلا
طرح مميز يالغلا فعلا
وكلامك سليم 100%
فعلا هذا حال البنات بهذا الزمن
تسوى اة تبى على بالها ان اهلها مايشوفنها


بس تنسي واحد الاحد الذى لا يخفي لا صغيرة ولا كبيرة
الله يعطيك الف عافية يالغلا
سلمت يداااك يالغلا

 

 

من مواضيع أمـــــ الغلا ـــــيرة في المنتدى

__________________






تابع صفحتنا على الفيس بوك

أمـــــ الغلا ـــــيرة غير متواجد حالياً   رد مع اقتباس
قديم 12-28-2008, 06:30 AM   #4
مآآبتـــوصـل لموآصيلـــي.
 
الصورة الرمزية الغلا
 
تاريخ التسجيل: Oct 2007
المشاركات: 15,681
الغلا is on a distinguished road
افتراضي

موضوع قمة في رووعه

وطرح مميز اهنيك علييه

بصراحه كلامك سليم

بس بوصف لك كل اللي قلته بجمله وحده

" كــــــــل ممنـــــــوع مرغـــــــــوب"

سلمت الانامل على ماطرحته هنا

دمت بوود

الغلا

 

 

من مواضيع الغلا في المنتدى

__________________


الغلا غير متواجد حالياً   رد مع اقتباس
قديم 12-28-2008, 08:50 AM   #5

عضوة مميزة

 
الصورة الرمزية هدير المطر
 
تاريخ التسجيل: Jan 2008
الدولة: حيث اكون أنا
المشاركات: 8,742
هدير المطر is on a distinguished road
افتراضي

موضوع مهم للغايه


للأسف انتشرت هاذي العادهـ بشكل كبير واللي يقهر انهم تحت مسمى سعووديات


كلامك صحيح مليون بالميه


لكن مانقووول غير الله يهدينا ويهدي الجميع


تشكرات كثيرات اخووي


مودتي

 

 

من مواضيع هدير المطر في المنتدى

__________________



((للي مايسمع كلام غلاوووي بتجيه بالمطرقه مفهوووم))

هدير المطر غير متواجد حالياً   رد مع اقتباس
قديم 12-28-2008, 03:59 PM   #6

عضو مميز

 
الصورة الرمزية oJgJI JIjJj
 
تاريخ التسجيل: Oct 2008
الدولة: ولاية زلفونيا
المشاركات: 1,030
oJgJI JIjJj is on a distinguished road
افتراضي

أهـــــــلـــــيــــن و ســـــــهــــلـــــيـــن

هـــــــــلا و غـــــــــــلا

أخـــــــــوي


أمـــــــيــــر الـــــكـــلـــمـــة


أسعدتني بزيارتك الله لا يهينك أخوي

أتمنى لك الفائده دووووم وكذلك المتعه في القراءة


تقبل خالص تحياتي

 

 

من مواضيع oJgJI JIjJj في المنتدى

oJgJI JIjJj غير متواجد حالياً   رد مع اقتباس
قديم 12-28-2008, 04:02 PM   #7

عضو مميز

 
الصورة الرمزية oJgJI JIjJj
 
تاريخ التسجيل: Oct 2008
الدولة: ولاية زلفونيا
المشاركات: 1,030
oJgJI JIjJj is on a distinguished road
افتراضي

أهـــــــلـــــيــــن و ســـــــهــــلـــــيـــن



هـــــــــلا و غـــــــــــلا

أخـــــتــــي


أمـــ الـــــ غ ــــــلا ـــــيـــرة


أشكرك على أبداء الرأي ... بارك الله فيك

أسعدتيني بزيارتك الله لا يهينك أختي

أتمنى لكِ الفائده دووووم وكذلك المتعه في القراءة


تقبلي خالص تحياتي

 

 

من مواضيع oJgJI JIjJj في المنتدى

oJgJI JIjJj غير متواجد حالياً   رد مع اقتباس
قديم 12-28-2008, 04:05 PM   #8

عضو مميز

 
الصورة الرمزية oJgJI JIjJj
 
تاريخ التسجيل: Oct 2008
الدولة: ولاية زلفونيا
المشاركات: 1,030
oJgJI JIjJj is on a distinguished road
افتراضي

أهـــــــلـــــيــــن و ســـــــهــــلـــــيـــن

هـــــــــلا و غـــــــــــلا

أخـــــتــــي


الـــــــــــ غ ــــــــلا


بارك الله فيك على الوصف ^_^

أسعدتيني بزيارتك الله لا يهينك أختي

أتمنى لكِ الفائده دووووم وكذلك المتعه في القراءة


تقبلي خالص تحياتي

 

 

من مواضيع oJgJI JIjJj في المنتدى

oJgJI JIjJj غير متواجد حالياً   رد مع اقتباس
قديم 12-28-2008, 04:08 PM   #9

عضو مميز

 
الصورة الرمزية oJgJI JIjJj
 
تاريخ التسجيل: Oct 2008
الدولة: ولاية زلفونيا
المشاركات: 1,030
oJgJI JIjJj is on a distinguished road
افتراضي

أهـــــــلـــــيــــن و ســـــــهــــلـــــيـــن

هـــــــــلا و غـــــــــــلا

أخـــــتــــي


هــــــديـــــر الــــمــــ ط ـــــر




أسأل الله السلامه للجميع... والله يستر علينا وعليهم

أسعدتيني بزيارتك الله لا يهينك أختي

أتمنى لكِ الفائده دووووم وكذلك المتعه في القراءة


تقبلي خالص تحياتي

 

 

من مواضيع oJgJI JIjJj في المنتدى

oJgJI JIjJj غير متواجد حالياً   رد مع اقتباس
قديم 12-29-2008, 07:10 PM   #10

عضو مميز

 
الصورة الرمزية القبطان
 
تاريخ التسجيل: Feb 2008
الدولة: جـــــدهـ
المشاركات: 5,738
القبطان is on a distinguished road
إرسال رسالة عبر MSN إلى القبطان
افتراضي

اقسم بالله كلامك صحيح ميه بالميه

والله شي يمرض القلب ويرفع الضغط

شي يقهر الي جالس يصير

بلاوي حاصله بالفيس بوك والبالتوك

ومن بنات سعوديات

الله يرحمنا برحمته ويهدينا ويهديهم ويثبتنا على دينه

اشكرك جزيل الشكر على موضوعك الجميل والقيم والاكثر من رائع

تحياتي العطره لك اخوي زلزال

 

 

من مواضيع القبطان في المنتدى

__________________





القبطان غير متواجد حالياً   رد مع اقتباس
إضافة رد

مواقع النشر (المفضلة)

جديد قسم ساحة نهر للنقاش الحر والحوار الجاد

إعلانات عشوائية



أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 10:40 AM.


Powered by vBulletin® Version 3.8.8
Copyright ©2000 - 2017, Jelsoft Enterprises Ltd.
SEO by vBSEO 3.6.1
:: جميع الحقوق محفوظة لمنتديات نهر الحب ::

Security team

 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286