كن من متابعين نهر الحب عبر تويتر

اضغط اعجبني ليصلك جديدنا بالفيسبوك
قديم 01-03-2019, 11:21 PM   #1

عضو مميز

 
الصورة الرمزية نــــسر الـعراق
 
تاريخ التسجيل: Sep 2013
الدولة: في قلب والدتي
المشاركات: 1,031
نــــسر الـعراق is on a distinguished road
ايقونه دارميات عراقيه ... دارميات حب رائعه منوعه

Advertising

السلام عليكم ورحمة الله وبركاتة

جبتلكم احبابي واخواني مجموعة من الدارميات العراقيه .... وللعلم الدارميات تجربه وحكمه حيث
يعتبر شعر الدارمي أحد أهم الألوان الشعبية بالشعر الشعبي العراقي، وينتشر شعر الدارمي في مناطق جنوب العراق وله خصوصيه ابداعيه في الموسيقى، ولقد وصل شعر الدارمي إلى الاغاني العراقية الحديثة في عدة مواضيع منها الحب والعتب والأماني وغيرها من بحور الغناء، والدارمي اطلق عليه عدة أسماء في جنوب العراق فمنهم من يسميه البسته ومنهم من يسميه ركباني كما هناك من يسميه "موشحات فراتيه" وهو أيضا مايسمى في المناطق الغربية من العراق بالسويحلي إلا أنن السويحلي يقدم به العجز على الصدر.

الدارمي هو قصيدة الإيجاز والتعبير الجمالي حيث يتالف من بيت واحد أي من شطرين تنتهي قافيته بقافية متشابهة تحمل معنى قصيدة كاملة


أتمنى تعجبكم..... وكل حبي الكم





وين البخت يفلان وتكلي مبخوت
لو اشتغل دفان هم محد ايموت



ليش انتي هيج وياي فهميني مره
كليبي اليحبج صار من البعد جمره



خل تفزع الشمات فزعه جبيره
بس انته كون وياي اكسر عشيره


دورت بالصفنات وحده انته منهن
لمن صفت بعدين صرت انت منهن




بضلوعي اشد رمان وتعنى بيتك
وانفجر يم الباب لو ما لكيتك




روحي بسرير الموت تنشدني عنك
وتكلي ليش اهواك متبري منك






كون الله هسه اليوم ياخذه روحي
ونسى اذى المحبوب وتخلص جروحي







كون الله هسه اليوم ياخذني وياك
ظلمه ياضي العين العيشه بلياك






من طين انت نعمين بس للجمال اسباب
معقوله طينك ذهب والناس كلها تراب







الوالد اش اهديه روحي قليله
والحمل لو اطنون وحده يشيله







بسك تنكط الماي غمضني واطلع
سكتلي النسوان شامت لايسمع




من صايح النسوان مهتم يمجنون
لك حته الينكط الماي من اليكرهون






ليش التريده الروح شوفته بعيده
ويتخاطف وي العين الما تريده







تخمط خمط بالناس بسك يجاسم
صارت امورك توب من الحواسم







خرسه التدك بالباب وعميه التفك بيه
والخرسه هم تريد للعميه تشكيه







ارد امشي للعراف وارد انشده بهاي
شو كلبي ناره تزيد من اشرب الماي






لاتمشي للعراف كلفه المسافه
الكلب جمرة يصير لو ولفه عافه







منك بعد ما ريد كل جيه منك
واعميهن بتيزاب لو يشوفنك






ضلت يتيمه الروح من غبتي يومين
جا شنهو بيها يصير لو صارن سنين






تركض تلم افلوس شكد رايد اتعيش
هو الجفن بي جيب مثل الدشاديش






الجفن مابيه جيب مثل الدشاديش
تركض تلم افلوس حسبالك تعيش






خيرتهن النسوان ماتصدك وياك
تبجي وتحبحب بيك وتغامز لذاك




بالك تمر بالدار عنها أشمر بعيد
دار العزيز هواي نوح وبجي تريد







عمدا أمر بالدار والنوح أزيده
وأسمع صداها يكول راح التريده






متعجب أنت تكول دمعي سكا لوح
دمعي السكبته عليك للكاظم يروح







دم للركاب يصير متعجب بهاي
بالدم مشى المشحوف متعني لهواي






بالدم مشا المشحوف منها وتكفيت
انا اشرك التابوت وأكل لحم ميت







تاكل لحم ميت واعيونك اتنام
انا اعزل اللحمات واكرط بالعظام








لاتصفن بدنياك دوم افطن الها
دنيانا بالصفنات يكبر حملها







حسبالك اترجاك يالحزني عيدك
لا ما اطخ الراس لو روحي بيدك







ارد انشدك يفلان يل بالهوى استاد
تكدر تخيط اجروح ما الهن اضماد






قلبي يتوهج نار من اسمع اسمك
وتصب دمع هل العين كون انه يمك







الدنيا للتهواه تركص امفرعه
والماتريده اينوح لو خلص دمعه







حطيتك بتابوت فوكا متر صب
الواشي مدري عليك من يا وجر طب




اليطلع يريد يروح ينذب ورا ماي
كمت انه اذب الروح من يطلع هواي









حفظكم الله ورعاكم من كل سوء

 

 

من مواضيع نــــسر الـعراق في المنتدى

__________________


من كان منكم بلا خطيئه فليرمها بحجر



مشكلتي تكمن في فراستي ...بأمكاني ان أفهمك من دون ان أكلمك....
ولم تخطيء معي طول عمري



لا تُلْقُوا باللؤلُؤ إلى الخنزير, فـإنّـــه لا يصْنـــع بـه شيئـاً
ولا تُعْطُوا الحِكْمةَ مَن لا يُريدها
فإن الحكمةَ أفضلُ من اللؤلؤ, ومن لا يرِيدها أشَرُ من الخنزير

نــــسر الـعراق غير متواجد حالياً   رد مع اقتباس
قديم 01-04-2019, 09:40 PM   #2

عضوة مميزة

 
الصورة الرمزية هاجر
 
تاريخ التسجيل: Mar 2009
المشاركات: 2,601
هاجر is on a distinguished road
افتراضي



اختيار رائع

مع اني في بعض الفقرات احتاج لمترجم

وما الاغلب فهمته

بس الاكيدا ان التراث العراقي تراث رائع ومتميز

لهجه يسكنها السحر

حضاره متميزه وليا الفخر ان اقرا مثل هالدراميات

لقلبك سعاده لا تنتهى

 

 

من مواضيع هاجر في المنتدى

هاجر غير متواجد حالياً   رد مع اقتباس
قديم 01-05-2019, 01:38 AM   #3

عضوة مميزة

 
الصورة الرمزية أحلام عمرنا
 
تاريخ التسجيل: Jan 2018
المشاركات: 1,905
أحلام عمرنا is on a distinguished road
uu44











أما أنا أحتاج لمترجم من بغداد ههههه

نشكرك أخى الراقى

لآنك تعطينا الفرصه فى مشاركتك

الدارميات العراقيه ...
وان شاء الله قريبا
نشارككم الدراما المصريه
رغم أنى على يقين
ان الفضائيات لاتترك شئ غير معلوم


من قلوبنا لك ولبلدك الغاليه كل التقدير
والدعوات بالآمن والآمان



ودى وعطر وردى











 

 

من مواضيع أحلام عمرنا في المنتدى

أحلام عمرنا غير متواجد حالياً   رد مع اقتباس
قديم 01-06-2019, 06:43 PM   #4

عضو مميز

 
الصورة الرمزية نــــسر الـعراق
 
تاريخ التسجيل: Sep 2013
الدولة: في قلب والدتي
المشاركات: 1,031
نــــسر الـعراق is on a distinguished road
افتراضي

من الواضح ان متصفحي عاطل او الجهاز لايمنح لايك ولا يسمح لي بالرد وماكتبت هذه الاحرف الا بشق الانفس لي عوده غد او بعده احترامي

 

 

من مواضيع نــــسر الـعراق في المنتدى

__________________


من كان منكم بلا خطيئه فليرمها بحجر



مشكلتي تكمن في فراستي ...بأمكاني ان أفهمك من دون ان أكلمك....
ولم تخطيء معي طول عمري



لا تُلْقُوا باللؤلُؤ إلى الخنزير, فـإنّـــه لا يصْنـــع بـه شيئـاً
ولا تُعْطُوا الحِكْمةَ مَن لا يُريدها
فإن الحكمةَ أفضلُ من اللؤلؤ, ومن لا يرِيدها أشَرُ من الخنزير

نــــسر الـعراق غير متواجد حالياً   رد مع اقتباس
قديم 01-07-2019, 05:42 PM   #5

عضو مميز

 
الصورة الرمزية نــــسر الـعراق
 
تاريخ التسجيل: Sep 2013
الدولة: في قلب والدتي
المشاركات: 1,031
نــــسر الـعراق is on a distinguished road
افتراضي

الاخت هاجر .... الاخت احلام عمرنا ...
بداية اتمنى تكونا بخير وصحة ... وسمعت بمرض االاخت احلام ودعيت ربي
ان يشافيها ويعافيها من مرضها والف لابأس عليها ...
انا شاكر وممنون جدا لوجودكما الراقي
واسعدني كثير صراحتك .. حول عدم تفهمكم لبعض مفردات الدارمي العراقيه
وكلامكم وملاحظتك كثير افادتني كونها نبهتي الى نقطه مهمه ان رواد المنتدى وزائريه الاغلب
من اقطار عربيه مختلفه ... ومن المؤكد ان ما صعب عليكم سيكون صعب عليهم
لهذا .... ساقوم بشرح كل دارمي والقصد منه وحسب تسلسلها
وحسب امكانيتي .... واي بيت يصعب فهمه انا مستعد اعيد شرحه
هالشيء رغبة مني ان اكون مترجما لشخصكم الكريم لانكم ضيفتين عزيزتين
على دارمي العراق وعلى العراق واهله .. وثانيا للفائده العامه
علما بانني لم اكن متوقع هالنوع من الشعر يكون له عدد الزوار بهذا العدد حقيقة
تفاجأة بعدد الزوار وهالشيء افرحني ان الناس تحب شعر ( الدارمي العراقي ) ,,,,,,
بعد هالمقدمه ..... نرجع للدرس مع فائق احترامي ...
اول بيت كان يقول
وين البخت يفلان وتكلي مبخوت
لو اشتغل دفان هم محد ايموت


البخت = الحظ
مبخوت = محظوظ
دفان = من يقوم بدفن الموتى ( الحانوتي )
محد = ولا اي واحد
الشاعر قال هالبيت ليعلن للاخرين انه محسود منهم ظلما لانه يفشل في كل عمل يقوم به لانه غير محظوظ
ويحكيلهم ويقول ...... لو اشتغل دفان للموتى بحظي السيء ولا احد يموت وقتها


ليش انتي هيج وياي فهميني مره
كليبي اليحبج صار من البعد جمره


ليش = لماذا ؟
هيج = هكذا
وياي = معي
فهميني مره = لمرة واحده خلي افهم منك
كليبي = مصغر بتدليع لكلمة ( قلبي)
يحبج = يحبك
جمره = جذوة النار وجمر النار هو الخشب المشتعل حتى الاحمرار
قصد الشاعر هنا
يعاتب حبيبته ويلومها على سبب بعدها واختفائها المستمر لان يسبب له اشتعال قلبه مثل نار الجمر

(3) بيت الشعر
خل تفزع الشمات فزعه جبيره
بس انته كون وياي اكسر عشيره


خل = ليكن وهنا معناها لايهم
تفزع = تتعاضد - تتكاتف
الشمات = جمع شامت - وهو الشخص اللي يفرح من يصيبك مكروه
فزعه جبيره = جبيره تعني كبيره وهنا يقصد كثرة العدد وقوة التكاتف بينهم
اكسر = احطم وهنا تعني انتصر عليهم و أهزمهم
العشيره = القبيله التي ينتمي لها الناس

وقصد الشاعر بالبيت هنا
انت تضامن معي وخلي قلبك على قلبي وبوجودك انا مستعد انتصر عليهم مهما كان عددهم
حتى وان كانو عشيرة باكملها اوقبيله

بيت الشعر الرابع
دورت بالصفنات وحده انته منهن
لمن صفت بعدين صرت انت منهن


دورت بالصفنات = سرحت بافكاري ابحث عن سبب هالسرحان ..
وحده انته منهن = يقصد انت ايضا مريت بافكاري وقتها
ومن فكرت و سرحت بعد فترة انتبهت انك انت
ايها المخاطب ايضا تسببلي هالمشكله ( افكر بيك )
قصد الشاعر من البيت
كنت اعاني من حالة شرود الافكار وسرحان مستمر
ومن ركزت وانتبهت لنقسي اكتشفت انت سبب منهن

البيت الخامس
بضلوعي اشد رمان وتعنى بيتك
وانفجر يم الباب لو ما لكيتك


بضلوعي = أضلاع القفص الصدري
اشد رمان = اخبي قنابل يدويه قرب الاضلاع
اتعنى = اجي واقصد
مالكيتك = ما وجدتك
قصد الشاعر
راح اجي لبيتك ياحبيبتي واذا ماوجدتك تنتظريني عند باب
دارك راح افجر نفسي وانتحر حبا وقهرا بيك
(((( انتحاري ههههههههههههه )))

البيت السادس
روحي بسرير الموت تنشدني عنك
وتكلي ليش اهواك متبري منك


روحي بسرير الموت = على سرير وتوشك تطلع
تنشدني عنك = تسألني عنك
تكلي = تقول لي
ليش = لماذا او ليه
متبري = تخلى عن الشيء - تبرء منه

قصد الشاعر
روحي وهي بحالة نزاع الموت الاخيره نست الموت والحساب الاخروي
تعاتبك وتسالك ليش تخليت عني شنو الاسباب
لهجرانك وبعدك وصدك - (( حالة عتب والم)))

البيت القادم السابع والبيت الثامن مترابطات مع بعض
(7)
كون الله هسه اليوم ياخذه روحي
ونسى اذى المحبوب وتخلص جروحي


)8(
كون الله هسه اليوم ياخذني وياك
ظلمه ياضي العين العيشه بلياك


مابيهم كلمات غريبه وكلمة ( هسه ) تعني الان
في البيت رقم 7 كان الشاعر قال بيت الشعر وحيبته تسمعه
كان يريد يسمعها لذلك
يطلب من رب العالمين ان يموت الان حتى يتخلص من حبيبته
اللي سببتله جروح واوجاع ,,,,,,حبيبته سمعت ماقاله ردت عليه بالبيت رقم 8
حيث تطلب من الله تموت معاه لان الحياة بعده ظلمه و ماتسوه شيء من دونه
معناها هي تحبه كما يحبها واكثر

البيت رقم 9
من طين انت نعمين بس للجمال اسباب
معقوله طينك ذهب والناس كلها تراب

نعمين = كلمة تستخدم لمدح الشخص وانهو محترم وذو رفعه ومكانه
وهنا الشاعر يقصد
انت كما خلقك ربي من طين و لكن بيك شيء اكثر من طبيعي من ناحية جمالك
ويتسأل الشاعر ربما طين انشاءك وتكوينك من ذهب
وليس من تراب كبقية الناس

البيت الشعري 10
الوالد اش اهديه روحي قليله
والحمل لو اطنون وحده يشيله


اش اهديه = ماذا اقدم له كهديه
الحمل = هنا المقصود بيه احمال واعباء ومشاكل ومصاعب العائله والحياة
اطنون = جمع( طن ) وهو مايستخدم بالاوزان

وقصد الشاعر هنا
محتار اقدم اي هديه لوالدي وحتى لو قدمت روحي له قليله تكون بحقه
لانه يتحمل اعباء العائله لوحده مهما كانت صعبه وثقيله

بيت الشعر 11

بسك تنكط الماي غمضني واطلع
سكتلي النسوان شامت لايسمع


بسك = بس - كفايه
تنكط الماي = قطرات الماء هالشيء يتم وقت شخص ينازعه الموت يكون شخص
اخر يسقيه ماء بشكل نقطه نقطه

يقصد الشاعر هنا
ما اريد اللي يفرحون بموتي يسمعون بموتي اتركني ما اريد ماء
وانهض سكت النساء اللي تبكي وترثي لحالي حتى
لايسمع من يكرهوني ويفرحو بما يجرالي

وهذا البيت 11 مترابط مع البيت رقم 12 اللي يقول
من صايح النسوان مهتم يمجنون
لك حته الينكط الماي من اليكرهون


هنا يجاوبه الشخص الي ينقطله ماء ويلومه ويتهمه بمجنون
انت متضايق من النساء اللي تبكي عليك ...!!!
انا نفسي اللي انقطلك الماء من اليكرهونك وسعيد بموتك


13



ليش التريده الروح شوفته بعيده
ويتخاطف وي العين الما تريده


اعتقد المعنى واضح وهو اي الشاعر يتسأئل وبأستغراب
ليش الانسان اللي متحبه ارواحنا دائما يكون امام عيونا
بينما اللي نهواه ونحبه ونتمنى نشوفه صعب يمر بينا

14

تخمط خمط بالناس بسك يجاسم
صارت امورك توب من الحواسم


تخمط = من الكلمات الجديده اللي دخلت للهجه العراقيه بمعناها الحديث وتعني( السرقه)

خمط = تعني انك تسرق بجشع شديد ( تسرق بلا حدود)
بسك = كفايه او كافي
توب = كما هو معلوم كلمة انكليزيه وتعني قمه( TOP ) وهنا يقصد الشاعر
ان امور السارق واسمه جاسم
اصبح تمام تمام وهو يطلب منه ويترجاه يكف عن السرقه
والحواسم = ايضا كلمة جديده دخلت للهجه العراقيه بعد حرب 2003 اخذت اسمها من
اسم الحرب حيث اسماها صدام حسين وقتها ( معركة الحواسم )
وكلمة حواسم هنا تعني = السرقه والسيطرة والتحكم بالاشياء ان كانت املاك اوعقارات
واراضي او غيرها بدون سند قانوني ( تجاوز لكل القوانين والاعراف )
15

خرسه التدك بالباب وعميه التفك بيه
والخرسه هم تريد للعميه تشكيه


خرسه = من اخرس والاخرس كما معروف هو من لايستطيع الكلام( ابكم )
تدك الباب = تطرق الباب باليد
عميه تفك بيه = العميه هي مؤنث كلمة اعمى وكلمة تفك بيه بمعنى تفتح الباب
وبما ان العميه يصعب عليها فتح الباب لان ماتشوف القفل
الخرسه تود لو تشتكي للعميه ان الباب تاخر فتحه (وكيف وهي خرسه او (بكماء) ماتتكلم)
القصد هنا من وضع بيت الشعر
يعني استحالة ان يشكو اثنين لبعض وهم يعانون من مشاكلهم الخاصه
وكل واحد منهم لو وضعه الخاص الصعب اللي يمنعه
من تفهم الشخص الاخر


16


ارد امشي للعراف وارد انشده بهاي
شو كلبي ناره تزيد من اشرب الماي


العراف = هو فتاح الفائل او كما يسمى قاريء كف او من يقرء الغيب
وارد = اي اريــد
انشده = أسأله
بهاي = هاي تعني = هذه وهنا اتت بمعنى بهذا الامر او بالحاله هذه
شو كلبي = شو قلبي
الماي = ماء

والقصد من البيت هو ان كاتب بيت القصد مستغرب
ويريد يسأل العراق او قاريء الكف
ليش من يشرب الماي نار قلبه ماتنطفي ولا ضمأه... \
بل يزيد نار اكيد هو يلمح اي الشاعر( الى الحب والعشق ))

وهذا بيت الشعرالاعلى رقم 16 مرتبط بالذي بعده 17 حيث فيه جواب و يقول

17
لاتمشي للعراف كلفه المسافه
الكلب جمرة يصير لو ولفه عافه


يعني لاتروح للعراف ولا تعب حالك لان المسافه بعيده وسبب ماتعانيه
من نار قلب مايطفيها ماء الشرب ...لان كل من يتركه محبوبه ويصد
ويهجره يعاني من هذه الحال


18

منك بعد ما ريد كل جيه منك
واعميهن بتيزاب لو يشوفنك

الشطر الاول او صدر البيت تفسيره
ما اريدك بعد اليوم تجي لعندي
واعيمهن = يقصد عيونه
تيزاب = هو ماء النار أو حامض الكبريتيك
والمعنى بشكل عام يعني ,,, انا زعلت منك وحتى لو
عيوني يحاولون ينظرون الك اعميهم بمية نار
19

ضلت يتيمه الروح من غبتي يومين
جا شنهو بيها يصير لو صارن سنين


هذا البيت يعني روح الشاعر اصبحت خالته مثل اي شخص يتيم
لمجرد غياب حبيبه يومين
ويتسأل شاعر البيت هذا ؟ لو غبتي عني سنتين شيكون حالي وايش يجرالي


20

تركض تلم افلوس شكد رايد اتعيش
هو الجفن بي جيب مثل الدشاديش



تلم = تجمع
شكد = كم عدد
اتعيش = تظل عايش بالحياة
الجفن = كفن الاموات
القصد من بيت الشعر هو للنصيحه وللتذكير و وبعض العتاب واللوم ومعنى البيت
مهما تعمل بجد وتتعب نفسك اكثر من طاقتك ماتجمعه من مبالغ
لن ينفعك وقت تموت لان الكفن بدون جيب ,,,,, وليس مثل الدشداشه او الكلبيه


21
الجفن مابيه جيب مثل الدشاديش
تركض تلم افلوس حسبالك تعيش


هذا بيت القصيد تقريبا نفس معنى اللي سبقه بالاعلى

22


خيرتهن النسوان ماتصدك وياك
تبجي وتحبحب بيك وتغامز لذاك

خيرتهن = افضلهن او الاحسن فيهن
النسوان = النساء
ماتصدق وياك = ماتكون صادقه بتصرفها معك
تبجي = تبكي
تحبحب = تبوس فيك بشكل مستمر متوالي بوسات سريعه
تغامز = تغمز بالعين
ذاك = اسم اشاره لرجل ما


ههههههههه هذا البيت ضد النساء ويتهمن بعدم الوفاء
وان كل مايمارسنه من عواطف ومشاعر مع الاحبه
كذب بكذب وان المراة وان كانت باحضان حبيبها تنظر لغيره وتعمز بعيونها


23

بالك تمر بالدار عنها أشمر بعيد
دار العزيز هواي نوح وبجي تريد



بالك = اياك وبتهديد
تمر = من مرور اي تزور
أشمر = اي ابتعد بعيدا
هواي = هنا تعني الشخص اللي اهواه ( الحبيب )
والقصد هنا
لاتقترب من دار الشخص اللي تحبه لانو ماعاد بداره وحال الدار تغير وتبدل
ومرورك بيها رايح يترك بقلبك حزن وتضطر للبكاء لفراق من كان يسكنها
(( القصد الذكريات ))


وهذا البيت مرتبط باللي تحته الي يقول
24

عمدا أمر بالدار والنوح أزيده
وأسمع صداها يكول راح التريده



عمدا = متقصد - متعمد

هنا جواب وتاكيد وتحدي انو راح يزور الدار متقصد
وراح يبكي على من تركها وفارق لغاية مايسمع
صدى الجدران يخبره ان حبيبك راح وانتهى امره

25

متعجب أنت تكول دمعي سكا لوح
دمعي السكبته عليك للكاظم يروح
تكول = تقول
سكا = سقى من ري او روى

هذا بيت القصيد الصدر او الشطر الاول للحبيب
حيث ان الحبيب لفراق حبيبته بكى بكاء يسقي قطعة ارض زراعيه مسافتها
بحدود 25 متر مربع تسمى ( لوح )
الحبيبه جاوبته وقالت ..... انت متعجب من بكاءك علي
أنا بكيت عليك بما يملأ نهر يصل للامام الكاظم في بغداد
واكيد هي ساكنه بجنوب العراق ...يعني كثير باكيه المسكينه
( مبالغه بحب الواحد للاخر )




26

دم للركاب يصير متعجب بهاي
بالدم مشى المشحوف متعني لهواي


الركاب = جمع ركبه وهي مفصل ركبة الساق
اما الرگبه = الرقبه وهي غير مذكورة ببيت الشعر
المشحوف = بلم او زورق تصميمه خاص يستخدمه سكان الاهوار
الشاعر يكلم بضمير الغائب اللي قال الشطر الاول ويعلمه انت متعجب
ان الدم وصل للركبه بسبب القتال من اجل حبيبتك انا
وقت خضت معارك من اجل حبيبتي الدم وصل واصبح
انهار من دم أنهار من دم والزوارق تطفوا بيه


27

دم للركاب يصير متعجب بهاي
بالدم مشى المشحوف متعني لهواي


صاحب هذا البيت من الشعر أيد اللي قبله بمقولته
لان نفس الحاله مرت بيه ونفس المعنى ابيات الشعر الاثنين




وولكن دخل شخص اخر على الحوار اللي بينهم وهم يتفاخرون بافعالهم
من اجل حبيباتهم وقال
28 الشعر

بالدم مشا المشحوف منها وتكفيت
انا اشرك التابوت وأكل لحم ميت


يقصد انتم اكتفيتم بأن جعلتم المشحوب ( الزورق ) يسير بالدم
لكن انا سويت شيء اكبر منكم
انا ( أشرك التابوت ) اي يفتح تابوت الموتى ويأكل لحمهم من اجل عيون حبيبته
يقصد مستعد يفعل اي شيء لاجلها

واثناء مايتكلمون سمعهم شخص رابع موجود قريب منهم
وقال بيت الشعر اللي تحت
وهو يستهزء بما فعله الثالث حيث قال له
29

تاكل لحم ميت واعيونك اتنام
انا اعزل اللحمات واكرط بالعظام


يقصد ... انا مو مثلك اكل لخم الميت واغمض عيوني وانام لا لا
أنا اعزل لحم الميت عن عضمه ومأكل اللحم (على اعتبار اللحم سهل اكله)
طري ومايحتاج جهد لكن هو يأخذ عظام الميت يطحنها طحن بين اضراسه وياكلها
يفصد العظم صعب وعملية اكله وطحنه بالفم صعبه مايقدر عليها أحد

ملاحظه مهمه : كل مايقولونه هو مزيدات كلاميه وتشبيهات
للتعبير عن انفسهم ليس اكثر ... وغير قابله للتطبيق
(( أنتــــــهى ))))

نرجع لبيت شعر جديد يقول
30

لاتصفن بدنياك دوم افطن الها
دنيانا بالصفنات يكبر حملها

هالبيت نصيحه يوجهها القائل لكل من يسمعه ويقول مامعناه يا انسان
لاتشغل نفسك بالتفكير المستمر بدون طائل عليك ان تنتبه لواقعك الحالي
حتى ماتشعر بثقل الحياة ... لان التفكير المستمر يتعبك

31


حسبالك اترجاك يالحزني عيدك
لا ما اطخ الراس لو روحي بيدك

قائل البيت الاعلى ... يعتز بكرامته وعزة نفسه ويخاطب شخص يكرهه ويقول مامعناه
لاتتصور يوم من الايام اوطي راسي الك انا اعرف ان حزني يسعدك لكن
ما اوطأ راسي الك حتى لو روحي كانت بيدك وممكن تقتلني او تموتني




32


ارد انشدك يفلان يل بالهوى استاد
تكدر تخيط اجروح ما الهن اضماد


هنا بيت الشعر القصد منه الاستشارة ومعرفة جواب لحاله يمر بيها
حيث يسأل احدهم ( فلان ) اللي هو استاذ متخصص بشؤؤن الحب وصاحب تجارب ومتمكن
من علاج الحالات ...( يسأله الشاعر . الاستاذ).. عندك امكانيه تخيط جروح او تطببهن وهن بمكان مايمكن تضميده
( يقصد القلب والروح ) اكيد الجواب ماممكن

33


قلبي يتوهج نار من اسمع اسمك
وتصب دمع هل العين كون انه يمك



هذا الشاعر .. يود اخبار حبيبته عن حبه لكنه خجول او يخاف ويخبرها بشكل غير مباشر ويسألها .
من أسمع احد ينادي بأسمك أشعر بقلبي يتوهج ويشتعل بنار
ومن اتقرب منك عيوني ماتبطل دمع تبكي ( تعرفين سبب هالحاله وسبب مايحصلي )

34


الدنيا للتهواه تركص امفرعه
والماتريده اينوح لو خلص دمعه



هنا الشاعر يلوم الزمن والدنيا ويعتبر كل شيء يحصل للبشر بسببها يعني
حظ الشخص من يكون جيد كل شيء بالدنيا يمشي تمام التمام وحتى الزمن يساندك مع حضك
لكن المكتوب عليه يكون متعوب وبالدنيا ماعنده حظ تعاكسه وتجعله دائم البكاء حتى لو دموعه تتيبس تريد منه دموع واتذكر بيت شعر هنا بنفس المعنى تقريبا يقول ..
الدنيا لو اقبلت وي الرجل بخيط يقود زمامها ,,,,,, وان ادبرت تقطع متين حبالها

35

حطيتك بتابوت فوكا متر صب
الواشي مدري عليك من يا وجر طب


الشاعر هنا بالبيت الاعلى يشكي من الناس الوشاة وانهم مايتركون البشر على حاله
ويحاولون دائما اذيته مهما عمل من احتياطات لتجنبهم ويقول مامعناه
عملت حفرة وبداخلها تابوت خشب وداخل التابوت حبيبي
وجبت خرسانه بسمك متر وغطيت التابوت والحفره لكن ما اعرف كيف الوشاة وصلوا لحبيبي
وعملونا مشاكل مع بعض

36
اليطلع يريد يروح ينذب ورا ماي
كمت انه اذب الروح من يطلع هواي


هنا في تقليد عراقي ليومنا هذا اي شخص عزيز وقت يغادر بيته خصوصا لو متجه لامكان خطره
زوجته او حبيبته او بالاغلب الام ترمي خلفه ماء تنثره ... اعتقاد سائد ان
هالماء يبرد كل شر ممكن يمر بيه بطريقه
الشاعر هنا ... يقول انا ما ارمي ماء ارمي قلبي خلفك من تغادر وتروح ...دلاله على الحب


متت تعب ... ومتت ضحك لان كل شيء اكتبه اعلق عليه واضحك ثم امسحه
ورغم هالشيء في ناس تدور معي وتريد شكولا وموعارف ايش
والا تزعل !!!!!!!

(تفسيرالابيات حسب رؤيتي الشخصيه )


[
شكرا لتواجدكم ورودي لقلبيكما دمتم بخير

 

 

من مواضيع نــــسر الـعراق في المنتدى

هاجر likes this.
__________________


من كان منكم بلا خطيئه فليرمها بحجر



مشكلتي تكمن في فراستي ...بأمكاني ان أفهمك من دون ان أكلمك....
ولم تخطيء معي طول عمري



لا تُلْقُوا باللؤلُؤ إلى الخنزير, فـإنّـــه لا يصْنـــع بـه شيئـاً
ولا تُعْطُوا الحِكْمةَ مَن لا يُريدها
فإن الحكمةَ أفضلُ من اللؤلؤ, ومن لا يرِيدها أشَرُ من الخنزير


التعديل الأخير تم بواسطة نــــسر الـعراق ; 01-08-2019 الساعة 03:19 AM
نــــسر الـعراق غير متواجد حالياً   رد مع اقتباس
قديم 01-08-2019, 06:51 PM   #6

عضوة مميزة

 
الصورة الرمزية هاجر
 
تاريخ التسجيل: Mar 2009
المشاركات: 2,601
هاجر is on a distinguished road
افتراضي



هسه فهمت ابدعت والله بالشرح

استفدت كتير من التوضيح وزدات معلومات

ومن حقك تضحك كتير

ومافي زعل خلاص تصافينا

لروحك وقلبك سعاده لا تنتهى

تسلم ايدك عالتوضيح

 

 

من مواضيع هاجر في المنتدى

هاجر غير متواجد حالياً   رد مع اقتباس
إضافة رد

مواقع النشر (المفضلة)

جديد قسم نهر الخواطر والنثر

إعلانات عشوائية



أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
صور تصاميم زجاج رائعه 2017 - خلفيات زجاجية روعة رقيقه الاحساس نهر الصور ، صور نهر الحب 1 06-20-2017 07:30 PM
صور خلفيات رائعه للايفون 2014 , صور جميلة للايفون 2014 , خلفيات مميزة للايفون 2014 لصمتي حكأية منتدى الايفون iPhone ،Apple 1 02-08-2014 06:03 PM
خلفيات رائعه للايباد 2014 , خلفيات اطفال مميزة 2014 , رمزيات اطفال روعة 2014 لصمتي حكأية منتدى أيباد, iPad 0 12-16-2013 10:27 PM
معااااااااالم منوعه رائعه لاستفاده...... غـــرور نهر الاثار والمتاحف 12 02-05-2009 11:42 PM
اثاااااااار عراقيه رائعه..... غـــرور نهر الاثار والمتاحف 8 01-27-2009 12:01 PM


الساعة الآن 02:27 PM.


Powered by vBulletin® Version 3.8.8
Copyright ©2000 - 2019, Jelsoft Enterprises Ltd.
SEO by vBSEO 3.6.1
:: جميع الحقوق محفوظة لمنتديات نهر الحب ::

Security team

 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288