كن من متابعين نهر الحب عبر تويتر

اضغط اعجبني ليصلك جديدنا بالفيسبوك
قديم 06-18-2006, 04:08 PM   #1
عضو
 
تاريخ التسجيل: May 2006
المشاركات: 61
المايستروو is on a distinguished road
افتراضي من هنا تبدأ فضائح البنات

Advertising

من هنا تبدأ فضائح البنات


كلمه هي سبب الفضائح كلها





هل هي هنا

***

طيب وانت ايش اسمك

انا خالد

هلا والله يا خالد .. تصدق هذي اول مرة اكلم احد .. بس ما ادري ليه انت بالذات لفت نظري

حتى انت صراحه كنت خايف مرة وانا اعطيك الرقم .. حسيت كل الناس تطالع فيني

بس خلينا يا خالد نتفق على شي ..

انت تأمرى امر يا ريم

اياك .. اياك في يوم تقول ابغى اشوفك ولا اطلعي معي ولا هالحركات .. لأنه مستحيل يصير كذا بيننا مهما حصل

افا عليك يا ريم ويش شايفتني .. يا بنت الناس انا ما ارضى عليك إلا إلي ارضاه على اختي



***

ام هي هنا

***

اقول يا خلود .. بس ودي اشوفك .. اخص عليك .. لو من بعيد

مستحيل يا مشاري .. انا عمري ما سويت كذا .. اهلي لو شافوني ولا شكوا فيني رايحين يقتلوني .. طلبت صورة واعطيتك اياها .. يعني خلاص شفتني

يا بنت الحلال .. لو ألف صورة ما تغني عيوني عنك .. بعدين انا متاكد إنك احلى مية مرة من كل الصور .. ويش دراني يمكن هذي صور صاحبتك

معقول .. انت تظن فيني كذا .. حرام عليك .. وانا الي اقول عليك تحبني

يا بنت الناس والله احبك .. ليه ما تقدري الشوق الي في قلبي .. ويش شايفتني حجر .. بس من بعيد .. ولو مرة وحده .. ولو اموت بعدها .. بس من بعيد... بكره رايح اقول لعيالنا إن امكم كانت خوافه

عيالنا .. ليه ما شاء الله كم تبي تجيب

عشرة اقل شي

لا .. انا مابي إلا اثنين بس

ايه هين .. المهم اشوفك ولا لا.. ..

طيب خلاص .. مر جنب الباب وانا رايحه افتح الباب وشوفني

ما ينفع .. افرضي احد معدي من اخوانك ولا جيرانكم .. ويش يقول عليك .. صدقيني انا خايف عليك مو على نفسي .. خليها في البقاله الي جنبكم ولا في المركز .. اشوفك واروح .. نفسي مرة امتع عيوني بيك .. ليه تستكثري علي الفرح

خلاص ابشر يا مشاري .. بس عشان تعرف إني احبك

***

ام هي هنا

***

يا منال .. صدقيني .. بس ناخذ لفه .. يعني وين حنروح

ابد يا سعود .. لو ايش صار .. مستحيل اطلع معاك

وليه بس يا بنت الناس يعني ويش حيصير .. رايح اكلك .. انت عارفتني انا متربي .. ولا عندك شك في كذا

ايه حبيبي اعرفك زين .. بس صعب علي صدقني

قولي إنك مانت واثقة فيني

انا .. ما اثق فيك .. حرام عليك

ايه .. طبعا .. ولا أخذتني تسلية

كيف تقول هذا الكلام .. وانت عارف .. انا ليل نهار حابسه نفسي جنب التلفون عشانك

ويش دراني .. بس انا دايما حظي كذا .. مهما سويت ما اعجب

يا ابن الحلال والله احبك بس صدقني صعب

انت الي مصعبتها .. ما جات على نص ساعه .. وارجعك معززه مكرمه .. ارحميني .. انا والله ما انام الليل إلا وصورتك قدامي .. كيف تكون السعاده قدامنا وما نقطف منها .. انت ليه ما تحسي بشوقي ولهفتي عليك

افرض صار شي .. ما اقدر ما اقدر .. اخلاقي تمنعني

يعني يا منال .. انت عندك اخلاق .. وانا لا .. هذه اخرتها تهزئيني

انا ما هزأتك .. انت ليش صاير عصبي

انا ماني عصبي بس كلامك الي يقهر .. روحي شوفي الشباب الي يسافر والي يصيع .. ويش طلبت انا غير شوفة عيونك من قريب .. كثير علي .. كثير على حبيب القلب

طيب .. ويش اقول لإهلي

قولي لهم أي شي .. قولي إنك عند صاحبتك بسمه وانا آخذك من هناك نص ساعه وارجعك وعد .. انا عمري خلفت لك وعد .. انت عارفه إني افديك بعيوني

طيب خلاص .. نص ساعه بس .. احلف

والله

لا .. قول والي يخلي لي منال

والي يخلي لي منال

***

ام هي هنا

***

يا عبير خلينا ننزل .. ربع ساعه بس

ابد والله ... و لو دقيقه

يا عبير يا حبيبتي .. يا عيوني .. يا عمري .. ربع ساعه.. والله ربع ساعه بس .. نفسي مرة في حياتي .. اشوفك من غير خوف .. املي عيوني بيك .. الى متى انا وحبك والخوف عايشين سوى .. حرام عليك .. والله لو تحبيني نصف حبي كنت نزلت

صعب يا سعد .. لو ايش صار ..انا طاوعتك في كل شي .. إلا هذه

طيب انت شفتيني طلعت رجال في كل شي .. يعني هذي الي بطلع فيها خسيس .. هذا قصدك

انا ما قلت كذا

معليش .. هذا معنى كل كلامك .. إذا هذا رأيك فيني .. ليه تخليني احبك من اول .. ليه تخليني أفكر بيك .. كيف تضحكي علي وتقولي ما اتزوج غيرك

انا ما أضحك عليك .. وما راح اتزوج غيرك ولو اموت

طيب الي يسمع كلامك يقول إني رايح اغتصبك .. انا عمري شكيت فيك .. ليه انت تشكي فيني

ومين قال إني شاكه فيك

هذا معنى كلامك .. ولا كنت نزلت .. يا بنت الناس انزلي كان يمدينا الحين راجعين .. نفسي بس احضنك واملي عيوني بيك .. ليه انت تحبي تعذبيني .. ليه انت قاسيه كذا .. فين حبك لي .. فين حنانك .. كل هذا وهم

انا قاسيه !! المشكلة إني عمري ما سويت كذا .. عمري

عارف والله حبيبتي .. ومتأكد بعد .. وهذا الي مخليني متعلق بيك ومستحيل اتزوج غيرك .. ويخليني اطلب منك أي شي .. ولو مستحيل لاجل إني عارف إنك تحبيني وتثقي في حبي لك

خلاص .. بس ابيك توعدني .. خمس دقايق بالضبط .. وترجعني

اوعدك .. والي يفقدني عيونك .. الي هي أغلى شي في الدنيا خمس دقايق بس .. ونكون راجعين

***

ام هي هنا

***

لا وليد .. حرام عليك .. انت وعدتني

يا سميره يا عمري .. مو احنا حانتزوج حنتزوج .. ولا انت حاطتني تسليه

كيف تقول هذا الكلام .. خليها ليلة الدخله ارجوووك

يا بنت الناس ما فرقت .. كلها ايام وأكون في بيتكم

لا يا وليد .. لا .. خليها لا تزوجنا .. انت وعدتني خمس دقايق

مستحيل إلا اليوم ..تبغي الصراحه ... ضربت في راسي ولاجل أضمن إنك تكوني لي طولي حياتك

والله انا لك .. بس ارجوك خليني ارجع

سميرة .. روقينا ... كان يمدينا خلصنا .. هذا الي تقولي الحب .. وافديك بعمري وبنفسي

ارجوك يا وليد .. افديك بعمري وانت عارف ..لكن بلاش الحين .. خليها لاتزوجنا .. الله يخليك .. الله يستر عليك

اسمعي .. والله دقت في راسي ..ومافيها كلام .. وانت جالسه تضيعي وقت .. ورايحه تتأخري على اهلك .. يعني الفضيحه عليك ماهي علي .. مشيها بالطيب وخلينا نحب بعض .. بدل ما امشيها بشي ثاني

تكفى يا وليد .. تبغاني احب على يدك .. احب على رجولك .. الي انت تبغاه اسويه ..... طيب خليها بكره

لا تحبي على يدي ولا على رجولي .. احمدي ربك .. غيري لو طلعت معاه وحده عزم عليها خوياه .. وطول عمري رجال معاك ما ناديت احد .. خلصينا ولا تضيعي وقتك .. تراك اتأخرت على اهلك

والي يرحم والديك يا وليد .. والي يرحم والديك .. خليني ارجع .. وعد اسوي الي تبغاه .. باكون خدامه عند رجولك .. والي يرحم والديك

اقول فكينا من والدينا .. مشيها بالطيب من غير ما امد يدي عليك و تروحي البيت وملابسك مقطعه وحالتك حاله

يا وليد تكفى .. صورني خذ أي ضمان .. والله .. والله .. والله .. اجيك بكره

اقول .. الظاهر إنك ما راح تيجي بالأدب

***

أم هنا

***

خالد ليه ما تتصل

مشغول

ليه كل ما اتصل عليك تقفل

اقول مشغول ياريم انت ما تفهمي

لا خلاص افهم .. افهم .. يا خالد لا تزعل نفسك .. لا تعصب نفسك .. بس .. بس .. انت وعدتني تيجي

وين اجي .. اقول لك مشغووووول .. انت ما تقدري .. ما عندك احساس .. ما عندك تقدير .. خلاص لا فضيت اتصل

حرام عليك يا خالد .. وين ريم حبيبة قلبك إلي ما تنام إلا على صوتها

عودنا لنفس الإسطوانه

خالد انا جاني عريس

بالبركه طيب الله يهنيك

بالبركه ! .. هذه آخرتها .. ترضى كذا لأختك

اقول احترمي نفسك .. ما بقى غيرك انت تتكلم عن اخواتي



*/*/*/*

المشكلة ليست هنا .. ولا في أي مكان .. الذئب كلما كان شرس زادت حلاوة لسانه .. كلما ازداد سم الأفعى ازدادت نعومتها .. وغدا ستكون هي مثله من قطيع الذئاب .. من جنس الأفاعي

المشكلة في كلمة واحده

غير



غير



غير



انا غير ..



خالد غير .. سعود غير .. مشاري غير .. وليد غير

كلهم غير .. مشاكل الفتاة في هيئة الأمر .. غير مشاكلها في الشرطة .. غير فضائحها على الإنترنت .. غير وضع أنف أبيها في التراب .. غير .. غير .. غير

كلا منهن تبدأ بهذه الكلمة .. مستحيل أن تتصور أنها ستكون بطلة فضيحة أبدا .. الإنترنت ملئ بصور فتيات كانوا احرص مما تتخيلوا .. قضايا وعار لفتيات كانوا أشرف مما تتخيلوا .. وكلها من كلمة واحده




غير



حسبي الله ونعم الوكيل في كل من باعت شرف ابوها وعرض اخوها من اجل كلمة .. احبك

المااااااااااااايستروو


اللهم إني أسألك بحق نور وجهك الذي سجدت له الظلمات و وجهك الذي لا يهلك ابدا وبحق لا إله إلا الله وكبريائها وجلالها وعزها ووزنها اسألك مسألة الظآن بك الخير كله المتوكل عليك في كل أمره
إن ترحمه بواسع رحمتك ولا ينال من لدنك هما ولا نصبا يا أهل التقوى وأهل المغفرة

 

 

من مواضيع المايستروو في المنتدى

__________________

للتواصل مع المايستروو:[email protected]

المايستروو غير متواجد حالياً   رد مع اقتباس
قديم 06-18-2006, 05:50 PM   #2
 
الصورة الرمزية الثريا
 
تاريخ التسجيل: Feb 2006
المشاركات: 98,902
الثريا is on a distinguished road
افتراضي



جزال اله خير اخوي المايسترو

والله حرام البنت تحط كل ثقتها فيه

وهو يلعب بها

الله يستر علينا وعلى بنات المسلمين

امين يارب

تحيتي

 

 

من مواضيع الثريا في المنتدى

__________________




الثريا غير متواجد حالياً   رد مع اقتباس
قديم 06-21-2006, 03:08 PM   #4
عضو
 
الصورة الرمزية قلوب
 
تاريخ التسجيل: Apr 2006
المشاركات: 1,181
قلوب is on a distinguished road
افتراضي

صح كلام الثريا
يسلمووووووووووو على الموضوع

مع تحياتي
قلوب

 

 

من مواضيع قلوب في المنتدى

قلوب غير متواجد حالياً   رد مع اقتباس
قديم 06-21-2006, 06:23 PM   #5
عضو
 
تاريخ التسجيل: Jun 2006
المشاركات: 121
لا تشكو للناس جرحا انت صاحبه is on a distinguished road
افتراضي

مشكوووور اخوي على الموووووضوووع

لكن مثل ما يقولووون مو كل اصابعك على حد واحد

يعني انت اتتيت بفئه قليله من المجتمع وليست الاغلبيه

بالتوفـــــــيق

 

 

من مواضيع لا تشكو للناس جرحا انت صاحبه في المنتدى

لا تشكو للناس جرحا انت صاحبه غير متواجد حالياً   رد مع اقتباس
إضافة رد

مواقع النشر (المفضلة)

جديد قسم منتدى نهر العام

إعلانات عشوائية



أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 03:26 AM.


Powered by vBulletin® Version 3.8.8
Copyright ©2000 - 2017, Jelsoft Enterprises Ltd.
SEO by vBSEO 3.6.1
:: جميع الحقوق محفوظة لمنتديات نهر الحب ::

Security team

 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286