كن من متابعين نهر الحب عبر تويتر

اضغط اعجبني ليصلك جديدنا بالفيسبوك
قديم 02-17-2006, 04:30 AM   #1
عضو
 
تاريخ التسجيل: Dec 2005
المشاركات: 961
غرور انثي is on a distinguished road
افتراضي شباب النت وماادراك ماشباب النت

Advertising

السلام عليكم

هلااااو أحلى نااااس .
موضوووع طوييل .. بس يستااهل تقرونه


عندنا المرحلة الأولى ( اللي توه هاا بادي يتعلم ويدش النت )


طبعا العمر يتراوح ما بين 25 فما فوق .... تلقينا أول ما يدش هاي.. ممكن نتعرف أنا فلان من الكويت ... وطبعا ما يقول شلونج ؟ راح يقول شلونك ؟ كأنه يخاطب واحد ... لأن ما عنده خبرة بلغة النت وشنو المتعارف عليه .. والاغلبية ميح انجليزي ..

ومن تقولين له برب يقول شنو ألووو وينج ألوو مشغولة ( لان مو عارف شنو الطبخه ... بالأظافة إلى انه ما يعرف بالايميل وكل ما قلتي شي قال ترى انا غشيم بالنت .

وهالنوعية يكونون على جزئين :

1- يا ان متحمس وفعلا شاد حيلة يبي يستمر على الجات ويتعلم

2- يا ان داش يبي يضبط يعني سامع عن النت تضبط وياي بجرب دوره .



المرحلة الثانية ( اللي يعني أنا مشغول وما عندي وقت أو أنه كان يقعد على النت وايد والحين بطل )



يسولف عادي وتبدي مرحلة التعارف شوي جك بوم أقول ممكن نكمل بالتلفون أنا بطلع الحين شلون اشوفج بعدين ترى انا ما أشبك ولا أحب النت ... انزين شالسالفه تونا شابكين متى عرفتني ..!! لا انتي مبين عليج خوش وحدة .. وانا ما احب اللف والدوران ..!!

وهالنوعية على جزئين :

1- يا انج تجعمينه وتظلين تكلمينه وكل مره يحن دقي ليما يقتنع والمشكلة يقول ما اشبك وكلا جبال ويهج .

2- ويا امه يعني عنده عزة نفس يعصب ويقول حطيني بلوكد أحسن ويطلع .



والضحك لما تحسين ان شريط موزع عليهم كلهم سبحان الله كلهم نفس الحجي :

· أنا ارتحتلج واحس اني اعرفج من زمان

· صدقيني جربي انتي مو خسرانه ترى انا غير

· وإذا ما عجبتج كيفج لا تدقين

· بس صداقة أي شي تبين انا حاظر

· وإلا اقولج بس مسجات

· الله يخليج انا محتاج اني اسولف مع أحد الحين

· أنا ادق عليج ما يحسب

· ترى انا كول وما راح أئذيك



المرحلة الثالثة ( اللي كلا مقعدين بالنت تمر السنين واهوه للحين بالنت )



وهالمرحلة أنوااااااااااااع :



1- الشباب اللي يدرسون بره ... وهاذول بحكم دراستهم وبعدهم والملل .. تلقينه يشبك ودايما ( أوي ) لان فعلا يكون مو يم الكمبيوتر ينام وكل شي ويخليه شابك ... هالشباب غالبا ما تستمر المعرفة مدة طويلة معاهم ... وتكونين مفتكة لا يقول بتعرف عليج ولا بشوفج ومن هالسوالف اهوة بديرة وانتي بديرة ....



2- وفي شباب تسولفين معاهم وتستانسين بالسوالف .. وضحك وجذي .. وبعد جم محادثة .. يقولج دقي وجذي أحس اني اعرفج من زمان وأرتحتلج وتقولين له لا خلاص يحترم رغبتج ويظل صديق بالنت ... بس عاد هااااا .. تحملي صكة البلوكد من فترة لي فترة تحملي الحقران .... من تدشين انا مشغول عادي يعني ( فالأنسب انج تحطينه بلوكد ودليت أفضل ليش ما منه فايدة ايميله زينة موجود عندج)



3- وفي شباب تسولفين معاه مدة طويلة وانتو الاثنين مستانسين على بعض ... وكل شي تمام لكن بين فترة وفترة يقولج بطلب طلب ممكن يبي يجس النبض يعني مسوي تمويه ... لما تردين بحمق نعم شنو !! يقولج لا تقاطعين دشي عاد هااا .... يعني يكون داقرج ...

ونوعه انا اصلا ما ابي تلفون ومو مال هالسوالف .. يثقل عليج فترة طويلة ... لكن بعدين يقولج طرشي مسج وجذي يعني شوي شوي ما رده بقولج دقي تلفون ..



4- وفي نوع من الشباب عسل .. ضحكي وسولفي واخذي رايه بأشياء وايد ما يبي شي منج بس كونه يدخل يسلم عليج وبينكم ايميلات عادي عنده وحتى لو ياب دقي علي على ضحك وقلتي لاء عادي عنده مو مهم ... وغالبا خواتج يعرفونه وتكون الصداقة مدة طويلة .. وتكون الميانة واصلة حدها ..



5- وفي شباب نوع اللي انا كيوت وفريندلي ... وسوالفي حلوة ... بس للأسف انه مزاجي لأبعد الحدود .... يعني متى ما يطق براسي أسولف وياج ... ونوع اللي أصكج بلوكد متى ما ابي ومن تدشين يهل عليج .... ويسولف جنج نازلة عليه من السما ( الضحك لما تشوفينه يعلق بالمنتدى بحزة ما انتي داخله يعني انتي غبية تطوف عليج)... وإلا يصكج دليت وانتي مو حاسة ولما تحسين وهم انتي تصكين دليت .... يدش عليج ويصير آدمي ليش ....( لان تحرمص شلون انتي تحطيني دليت يعني اهوه أي بس انتي لاء ) ...

لا والضحك لما يراسلج بالايميل وما يبي يدش عليج يعني ترى أدري انج حطيتيني دليت وعادي عندي خخخخخ )

( لا واللي يضحك أكثر انج ظايفته في ايميل ثاني وحاطته بلوكد واهوه ما يدري والاخ ناسي وتلقينهحسباله انتي اصلا مو شابكه فيطلع عندج إن ايميله شابك بمكان والمكان الثاني لاء )



والبدعة الأكثر أن النوع ( حاطين لهم أهمية وان اذا ما سولف معاج بتموتين وتنتحرين جنه انا بأيميلي ما عندي غيره !!

6- وهالنوع يسمونه المنجب ( اللصقة) ...أو بمعنى ثاني كازانوفا ... يعني كلميني ردي علي لا تطولين ... ألوووو وينج ألوووو وينج ... يا أخي انطر حتى ما صار دقيقتين من رديت عليك .. وإلا انتي حاطه بالخارج والا مشغول ... يدش اشدعوه يبا ما تدشين تسلمين ... وإى يدش يسلم ( يا أخي قلنا بالخارج قلنا مشغول خلاص تقبل رغبتي النفسية والجسدية)

والضحك لما يقول انتي قاعده تكلمين أحد الحين ولما تقولين أي يقول أوكي عيل انا ما اعطلج يالله باي واحسن حقريني ولا تردين علي والا تدرين شلون بحطج بلوكد ودليت ....خخخخ

وييييييه هاذي الساعة المباركة ......



7- ونوع اللي .... ترى أنا سنع وما عندي خرابيط وأعرف ربي .... كل ما قلتي شي قالج لالا والا عيب وإلا اشفيج ... والضحك لما يقولج شنو هالتوبك انصحج غيريه والا شنو هالصورة ترى مو مالت بنت ...يعني يأرفج في عيستج ... وإلا مثلا واهوه يسولف ما تدرين تكلمتي يرد عليج ( أول خن أخلص كلامي عيب تقاطعيني ( وييييييييييع) ... وبعد هالاستشراف والسنع والمنع ... يقولج حطي صورتج ممكن اشوفها .... وإلا ممكن تطرشين بس مسج علشان اعرف اذا بتشبكين ... يا عمي طيير ...



8- ونوع اللي اللهم يا كافي قاضي أو بالأصح مينون ... تلقين ايميله وصخ والتوبك وصخ والصور اللي يحطهم وصخه ... ولما تقولين له عيب شنو هذا.. يا يقولج أو انا آسف ويغيرها على طول ...أو يقولج كبري عقلج وانا ترى ايميلي ما يقصد الجانب الوصخ لا كل من يرا الناس بعين طبعه أو يقولج دام مو عاجبج ليش قبلتي الأدد ... والصوره كيفي اعجبتني ... ولما تسفلين فيه .. والا تدقرينه بكل وقاحة يطرش ايميلات وصخه وكل ما تزفينه يزيد ( هذا عاد معقد صج !!)




9- وفي النوع الغبي ... الي يقفل ..و كل ما قلتي شي قالج هااااا ... يعني شنو .. أييييي .... وكلا يناقشج في مواضيع ما يفهم فيها شي .. يعني أنا اعرف .. فأهني انتي لازم تعطينه على قد عقله ...




10- وفي النوع المليــــــــــــق... اللي التوبك ماله يبعث لج لوعة الجبد ... وغالبا يكون صغير بالعمر ياهل ... اللي يحط القطوو والعتوى انحاش وإلا انا رايح الخيرااااان ... وإلا رايح فرايديز ....أوووووف غثا غثا ..








12- والنوع اللي يسوي ايميلات وصور والمفروض انها تنكت والبنات واي يونس ضحكني و.....وييع على شنو اصلا ما يعرف ينكت !! والمشكلة مستمر ما أدري منو مشجعه !!



13- وفي النوع اللي يحاول فيج دقي دقي ابيج .. ولما تقولين له مرتبطه وأحب وجذي آخر شي لما يشوف ماكو فايدة ... يقعد يقولج عن قصة حبه :/



14- وفي النوع اللي اوصخ ما خلق ربي .... يعني حثالة المجتمع ... بس يستغل انج مطلقة وإلا عندج مشاكل مع زوجج ... ومسوي روحه المنصح والمرشد ..... ولما تقولين له انا ريلي يخوني .. وودي أسوي شي ابط جبده ... وانتي حسبالج تكلمين واحد آدمي ...فيقولج انا عندي طريقة ( أشرايج تخونينه مثل ما خانج ..... ومع منو طبعا معاه أهو ... يا سلالالالالالالالالام ... اللهم صلي عالنبي )





16- وفي شباب .. صج اتحس ناس سنعة ... أخلاق وسنع ... وخدومين .... وناس تسمعج كلام يريح البال وناس تنصح ...وتعتزين بمعرفتج لهم ... الله يكثر من أمثالهم ....


17- وفي ناس مرضى جذب من عرفتي بالنت إلى آخر يوم كلمتيه وأهوه يجذب .... المفروض يحط التوبك مسيلمة الكذاب ..خخخخخ



18- وفي نوع اللي يؤذيج بشكله .... كل ما دشيتي راز صورته .... وإلا كل ساعة يغيرها ... يعني أشكره قاعد يوريها الباجي .... لا وإذا كان مجسم شفكج تلقينه مستعرض فيه .... واللي يضحك صج أو ما يدش عليج يبطل الكاميرا ... وإلا يقولج ممكن اشغل الكاميرا ( الحمد الله والشكر بروحه جذي بدون لا تطلبين منه ) .....

ويبطلها ويجابلج ويولع زقارة ومسوي روحه يستحي ... انزين وبعدين !!! لي متى .... وآخرتها لما تطلعين لج أي عذر وتسكرينها ... يا أخي ما قلتلك أبي اشوف ...!!



19- وفي نوع العبيط .... اللي يحطلج صورته ويقص ويهااا .. شهالعبط يعني يكون مفرفط قلبي خخخخخ !! والله حالة ..!



20- والنوع المليغ اللي دقي بقولج شي وإلا شغلي المايك بقولج شي ... أنزين قول اهني لالالا ما اقدر اشرح ..! أي شيييييييييييي !






22- وها الآن مع النوع الاخير ... انياهاهاااااااا ... عاد هذا توصية ...

هذا النوع المدشق ...هذا عاد بابا أوبح ...هذا عاد اللي من96 وأهوه بالنت ... يكبر يتخرج يتزوج اييب اعيال واهوه بالنت .... والناس يديده تطلع وناس تروح وأهوه للحين بالنت .... لا وعنده قروب أو مشرف بمنتدى وشغل عدل ويكتب بعد بالنت .... المشكلة يتكلم عن الناس ... واهوة من فوقة لي تحته غلط بغلط .... والمشكلة يتكلم يعني انا افهم واهوه أغبى منه ماكو ماخذ فكرة من اهني ومن اهني واللي قاله بس كلمة وحدة ... ومن اتيي مرته يصير جنه قطو مخرعينه ..

وخواااااااااااااف ردييييي ....


هذا النوع ماكو هدف بالحياة ... ناس وصلوا مراكز وسوا لهم شي نافع بالحياة إلا اهو قاعد ... ما غير راااز صورة الفودكااا وترى أنا شريب مستانس الحمد الله والشكر.. وهانوع عنده خرابيط على قد شعر راسه إذا ظل فيه شعر بعد ..!! ..


وهذا النوع يبي بنت بأي طريقة لان خلاص يعني راحت عليه ... عسى ما يته وحدة تشكي .. إلا هااا سوالها الاغراءات .... ترى أنا شغلتي كذا وانا عندي شقة وأنا وانا ( نوع مو شايف خير)..... لا والفنتك اليديد مصور الشقة ويحط أركان الشقة ( شقة المجون) خخخخخخخخ



المشكلة هالنوع مو نافع بشي لا أبو ولا زوج ولا صديق ولاشي ولاشي ..!! وكلا عنده ان اهوه شخصية محترمة ... وشخصية نادرة الوجود ...وأن اهوه فلته زمانه ..!!



والمشكلة بدقيقة تصيدينه من غباءه ... يعني لو تدشين عليه باليوم بكذا ايميل عادي .. وتلقينه يسرد لج قصة حياته .... بالاضافة إلا صورته ..خخخخ

واهوه عنده يعني ان حياته life style وانه اهوه ستايله أمريكي خخخخ ... وأهوه اجلح املح ... أنا أروح حفلات فلان الفلاني وانا عندي بشقتي باااار ..... يا أخي قول شي مشرف ..!!



ودايما تلقينه يقولج عن مغامراته .... حشى سندباد البحري ..!!



والطامة ان يا يسوي روحه ... اعزب وراهي ما يفكر بالزواج .... أو يسوي روحه منفصل ...!!



واهوه متزوج وماكل .... من مرته !!



هالنوع عليه العوض ومنه العوض .. آخرته مستشفى الميانين وإلا مستشفى الأمراض السارية ... أعوذ بالله



ومن كثر الدعوات عليه مو مترقع ...و الله المستعان ....



والله كل شي جايز الله الهادي ممكن يتدين .. ويصير أدمي ...نطلب الهداية للجميع ...




معلومة : أغلب النت إذا مو كلهم إذا عمره من 30 وفوق ... متزوج .. حتى لو قال العكس ليش يدري اذا قال متزوج محد بيعطيه وي ... وهانوع غالبا تلقينه من اول جات يقولج دقي عليه ليش مستعيل اذا مو انتي غيرك ..

اما بو 40 وفوق هذا .... بدون تعليق :/




انشالله ما نسينا أحد..

 

 

من مواضيع غرور انثي في المنتدى

__________________

غرور انثي غير متواجد حالياً   رد مع اقتباس
قديم 02-17-2006, 04:59 AM   #2
مشرف منتدى الرياضة
 
الصورة الرمزية اسير البندري
 
تاريخ التسجيل: Feb 2006
المشاركات: 560
اسير البندري is on a distinguished road
افتراضي

هههههههههههههههههههههههههههههههههههههههههههههههههه هههههههههههههههه
هههههههههههههههههههههههههههههههههههههههههههههههههه هههههههههه
هههههههههههههههههههههههههههههههههههههههههههههههههه ههههههههه
خخخخخخخخخخخخخخخخخخخخخخخخخخخخخخخخخخخخخخخخخخخخخخخخ
خلاص والله مقدر بطني هههههههههههههههههههههههههههههههههههههههههههههههههه هههههههههههههههه
الله يرجك والله انك صادقه بكل كلمه قلتيها....ههههههههههههههههههههههههههههههههه
يسلمووووووووووووووووووو خيتو على الموضوع المقلع والمنتهي.....هههههههههههههههه
تحياتي اخوك اسير البندري

 

 

من مواضيع اسير البندري في المنتدى

اسير البندري غير متواجد حالياً   رد مع اقتباس
قديم 02-17-2006, 06:22 AM   #3
عضو
 
تاريخ التسجيل: Dec 2005
المشاركات: 961
غرور انثي is on a distinguished road
افتراضي

يسلمووووووووووووووووو لمرورك ودووووووووووووم الضحكه ان شاء الله

 

 

من مواضيع غرور انثي في المنتدى

__________________

غرور انثي غير متواجد حالياً   رد مع اقتباس
قديم 05-31-2006, 11:52 PM   #5
من مؤسيين المنتدى
 
الصورة الرمزية ][§¤أمــ الورد ــيرة¤§][
 
تاريخ التسجيل: Aug 2005
الدولة: دار ابو متعب فديته
المشاركات: 2,138
][§¤أمــ الورد ــيرة¤§][ is on a distinguished road
افتراضي

هههههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههه


وررررربي انك صااااااااااااااادقة في كل كلمة غرور


بس موضووووعك مرة طوووويل لكنه روعه ماخلصت الا وانا متبطحه ضحك



هههههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههه


قبلاتي...

 

 

من مواضيع ][§¤أمــ الورد ــيرة¤§][ في المنتدى

__________________







الحب

][§¤أمــ الورد ــيرة¤§][ غير متواجد حالياً   رد مع اقتباس
قديم 06-03-2006, 11:13 AM   #6
عضو
 
الصورة الرمزية لون الغيم
 
تاريخ التسجيل: Feb 2006
المشاركات: 839
لون الغيم is on a distinguished road
افتراضي

هههههههههههههههههههههههههههههههههههههههههههههههههه ههههههههههههههههههههههه
حركات معروفه والله
تسلمين اختي على الموضوع الروعه
مو قادره
تحياتي

 

 

من مواضيع لون الغيم في المنتدى

__________________

لون الغيم غير متواجد حالياً   رد مع اقتباس
قديم 07-30-2007, 12:19 PM   #7
سيحإأإأنـ الله وبحمدهـ
 
تاريخ التسجيل: Jul 2007
الدولة: بين ذكريات امي
المشاركات: 21,774
ملاك الجنوب is on a distinguished road
افتراضي

ههههههههههههههههههههههههههههههههههههههههههه

الله يرجك

يسلمو على الموضوع

 

 

من مواضيع ملاك الجنوب في المنتدى

__________________







وما من كاتبِ إلا سيفنى...
ويبقى الدهر ما كتبت يداه
فلا تكتب بكفك غير شئ...
يسرك فى القيامه أن تراه
دعواتكم يالغوالي ن25

ملاك الجنوب غير متواجد حالياً   رد مع اقتباس
إضافة رد

مواقع النشر (المفضلة)

جديد قسم نهر التسلية والطرائف والمرح

إعلانات عشوائية



أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
اربح فلوس و أنت تتصفح النت !!!(صورة الشيك) atb14 نهر الكمبيوتر والانترنت 6 08-25-2008 01:43 AM
التعريف بالشاب السعودي العنوود منتدى نهر العام 29 05-20-2008 07:08 PM
المواصفات والمقاييس لشباب السعودية العروي نهر التسلية والطرائف والمرح 0 03-17-2008 11:31 PM
ماذا يعرف شباب الانترنت ....؟؟؟؟؟؟؟؟؟؟؟؟؟؟ المبدعة الصغيرة منتدى نهر العام 1 02-26-2008 10:25 PM


الساعة الآن 09:41 PM.


Powered by vBulletin® Version 3.8.8
Copyright ©2000 - 2019, Jelsoft Enterprises Ltd.
SEO by vBSEO 3.6.1
:: جميع الحقوق محفوظة لمنتديات نهر الحب ::

Security team

 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319