كن من متابعين نهر الحب عبر تويتر

اضغط اعجبني ليصلك جديدنا بالفيسبوك
قديم 06-06-2011, 02:44 AM   #1
 
الصورة الرمزية بنوته مصريه
 
تاريخ التسجيل: Feb 2011
المشاركات: 23,272
بنوته مصريه is on a distinguished road
Angry سبتها / سبته . . . بس بجد تعبان و مش عارف اعمل ايه ؟؟؟)

Advertising

السلام عليكم ورحمة الله وبركاته


انا لاحظت شباب كتير بيقول انا الحمد لله سبت الشخص اللي كنت
مصاحباه / مصاحبها بس لسه بحبه / بحبها




بصوا يا جماعه انا عارفة ان الموضوع بجد صعب و فى مشقه فى ان الأنسان يتخلص من الشخص اللى بيحبه .... و ده لأنه اتعود انه لما يصحى يرنلها و ترنلوا و لما يخرج من البيت لازم يرن و لو دخل ينام يكلمها او تكلمه



و الكلام ده كله .... بس و الله لو عرفنا ان الخير هو فى ترك الشخص اللى احنا بجد حبيناه ... هنعمل كده

و بعدين يا اخى و يا اختى لازم يكون عندنا ثقه فى وعد الله لينا




يا جماعه احنا لما وثقنا فى الدنيا عمرنا ست قرات




و لما وثقنا فى فى ان رصيد البنوك هو المستقبل و الآمان خلينا همنا كله هو ان يكون لينا رصيد فى البنك




و لما وثقنا فى الدكتور ...بقينا نشوف الأب اللى بيدى للدكتور الفلوس و يفضل يدعيلوا و مش بعيد يساعدوا على الرغم ان الدكتور ده هو اللى هيفتح بطن ابنه و هيقطع فى لحمه




بس لأننا وثقنا فى الدكتور ... مديناش لنفسنا فرصه ان احنا نشك لمجرد لحظه فى قدراته ... و سلمنا نفسنا للدكتور لأننا استشعرنا الأمان و الطمائنينه تجاهه

ليه يا جماعه مش قادرين نثق فى وعد الله لينا ... ليه مش قادرين ندى نفسنا فرصه نحب ربنا بجد ... ليه خلينا رضى الناس و السعى وراء شهواتنا هو الهم الكبر و سيبنا محبه الله



والله يا جماعه قرآت آيه هزت كيانى كله ... و رددت فى نفسى لو يعلم هذه الأيه كل شاب و فتاه ... و الله لعلموا ان السعاده الحقيقيه فى طاعه الله و البعد عن ما يغضبه سبحانه و تعالى

و الأيه دى فى سوره ابراهيم ... و هى قول الله تعالى



(وقال الشيطان لما قضي الامر ان الله وعدكم وعدالحق ووعدتكم فاخلفتكم وما كان لي عليكم من سلطان الا ان دعوتكم فاستجبتم لي فلاتلوموني ولوموا انفسكم ما انا بمصرخكم وما انتم بمصرخي اني كفرت بما اشركتمون من قبل ان الظالمين لهم عذاب اليم)


انا بس يا جماعه عاوزة أقف وقفه صغيره جدا معاكم مع الأيه دى



اول حاجه ... (و قال الشيطان ) ...



يعنى مش الداعيه الفلانى ... يعنى مش ماما ... يعنى مش صحبتى



( لما قضي الامر )



يعنى خلاص يا جماعه انتهى الأمر ... مبقاش فى كلمه يارب .. مبقاش فى توبه .... مبقاش فى حد هيقول للتانى كده حرام و كده حلال



(ان الله وعدكم وعد الحق)


هنا بقى يا جماعه عاوزين نركز شويتين فى المعنى



وعدكم الله وعد الحق :


للأسف يا جماعه احنا فقدنا الثقه فى وعود الله لينا و صدقنا وعد الشيطان



وعدنا الله جل و علا و قال



(من يتق الله يجعل له مخرجا) .... و سيبنا وعد ربنا سبحانه وتعالى ... و خفنا نسيب اللى احنا بنحبهم علشان مش واثقين ان ربنا سبحانه و تعالى هيجعل لينا مخرج



و الشيطان قال لنا



(مفيش جواز من غير صحوبيه) ...



(لوسبتاها هتتجوز غيرك ... و انت لو سبتيه هينساكى و هيشوف غيرك) ...

(يا بنتنى انت هتعقدى نفسك ليه ما البنات معظمهم كده .. و انت يا بنى تقوى و ايه و بتاعت ايه عيش حياتك و كلم فلانه و علانه و لما يجى وقت الجواز يبقى يحلها ربنا ) ...



(يا بنى سيبك من الناس اللى عماله تقول سيبها علشان تكون ليك ومن نصيبك دى ناس فاهمه الدنيا غلط ) ..



(يا بنتى متعى نفسك و خليك معاه و لو سابك هتلاقى ميت واحد غيره ... .)


... و غيره ....... و غيره ...... و غيره



و رغم كل ده وثقنا فى وعد الشيطان لينا ... و نسينا ان الشيطان نفسه هو اللى قال فى القرآن


(ووعدتكم فاخلفتكم)



و عدتكم انكم هتتجوزا بعض و انا كنت عارف ان كل مكالمه كانت بتبعدوا عن بعض


وعدتكم انكم هتيعشوا فى سعاده و انا كنت عارف انكم هتعيشوا فى ضنك .


وعدتكم انكم هتكونوا متسامحين مع بعض و كل حاجه بينكم هتتحل و لكن منسيتش ان اخلى حياتكم شقاء و انكم تتخانقوا مع بعض بعد الجواز و خليت اتفه المشاكل سبب فى تعاستكم .



و عدتكم ان السعاده فى مكالمه تليفون و خليتكوا تنسوا ربنا السميع العليم





و النهارده (يوم القيامه أقصد) انا جاى اقولكم الكلام ده .. بس بعد ما خلاص زى ماكنتوا معايا فى الدنيا مطيعين و بتسمعوا كلامى ... فأنا جى احسركم و اعرفكم انى من الأول كنت بضحك عليكم وبلعب بمشاعركم ... )





ايوا كنت مخليك فاكر نفسك صح و انت بتكلمها و بتتعرف عليها بحجه انك بتدرس اخلقها



و انتى كنت مخليكى مبسوطه اوى وانت كل يوم بترخصى نفسك علشان واحد انا اقنعتك
انه هيكون ليكى و انه بيحبك .. لكن انا نسيت اقولك انك كل مكالمه كنت بتكلميه فيها كنتى بترخصى فى قلبه اكتر و اكتر ... و نسيت اقولك انه من كتر ما حس انك سهله و مش قادره تمنعى نفسك عنه .. كنتى انت اول واحده بره حسابته يوم ما فكر يرتبط بجد و يتجوز واحده هى فى يوم من الأيام هتكون زوجته وأم أولاده ... لكن بس حبيت اتفرج عليكم و افرح فيكم وانتوا بتغضبوا ربنا .. وانتوا عمالين بتكذبوا كلامه و وعوده ... بس خلاص انا عملت اللى انا عاوزه و قدرت العب بمشاعركم و قدرت اعذبكم و افرق بينكم ...



(وما كان لي عليكم من سلطان الا ان دعوتكم فاستجبتم لي)




و على فكره انا مضربتكمش على ايديكم .. انا مضربتكش على ايدك لما رفعت سماعه التليفون و كلمتها ... و انا مضربتكيش على ايديك لما خرجتى معاه و كلمتيه ...

انا بس شاورتلكم و ضحكت عليكم وقولتلكم ان طريق السعاده من هنا و انتو بصراحه مكدبتوش خبر .. و جريت تكلمها و جريتى تكلميه و رخصتى نفسك لواحد هو مخافش عليكى اصلا من عذاب ربنا و لكن رغبتوا فى انه يرضى شهوته منك كانت اقوى من خوفه عليكى ... و آخرتها يا مسكينه خسرتى كل حاجه ... لا انت طولتيه ولا قدرتى تعيشى حياتك مبسوطه مع غيره

(فلا تلوموني ولوموا انفسكم)




محدش يلومنى .. لوموا انفسكم ... مش سمعتوا شريط الشيخ الفلانى وعرفته ان العلاقات بالطريقه دى حرام ... مش قريتوا الموضوع الفلانى و عرفته انكم كده مش صح وانكم بتخسروا بعض مش بتقربوا من بعض ...

يلا بقه كل واحد يلوم نفسه من الحسره و الندم على انه خلى علاقته بيها باب من ابواب جهنم .. و يلا لومى نفسك بعد ما رخصتى نفسك ونكستى الدين و خذلتى نبيك





(ما انا بمصرخكم وما انتم بمصرخي)




و خلاص بقينا فى الهوا سوا ... لا انا هعرف انجيكم من النار و العذاب ولا انتوا هتقدروا تنجونى ... خلاص بعد ايه جايين تتكلموا و تتوبوا .. ما كانت الدنيا عندكم مفتوحه لكم تتوبوا فيها و كنتوا تقدروا تسيبوا بعض ربنا كان هيجمعكم فى الحلال ...





لكن انا قدرت امتعكم ببعض متعه فانيه و للحظات معدوده و قدرت بعدها احرق قلبكم على بعض ..





قدرت احرق قلبك عليها و انت بتسمع خبر ارتبطها بواحد تانى غيرك





قدرت أحرق قلبك عليها لما عرفت انها ارتبطت بفلان من بعدك

آآآآآآآآآآآآآآآآآآآآآآآآآآآه من ده عذاب ..... بوظنا معنى الحب ... بعد ما ادينا الشيطان فرصه يلعب بمشاعرنا




ليه يا جماعه نوصل للمرحله دى ... و الله يا جماعه ماتخافوا



متخفش يا اخى والله لو سبتها النهارده هتجيلك و ساعتها هتحس بجد بغلاوتها و قيمتها فى قلبك و هتحافظ عليها



و انت يا اختى متخافيش هيجيلك و الله هيجيلك


و أرجوكى بلاش ترخصى نفسك .. انت غاليه اوى و انت علشانك النبى اتعذب و علشانك الرسول حارب اليهود لما واحد بس فكر انه يتعرض لمسمله .



أرجوكى حافظى على نفسك و غلى نفسك



و الموضوع بسيط جدا يا جماعه

بالله عليكى يا اختى لو فى النهارده جوهره على جبل عالى و حاول شاب ان يقتنص هذه الجوهره ... و حاول مره و وقع .. و حاول التانيه و وقع تانى و اتجرح ... و وقع التالته و أصيب بجراح وهو مازال مصر على ان يصل للهذه الجوهره



وفى آخر المحاولات وصل بعد مشقه وعناء ... بالله عليكى ساعتها هيقدر يفرط فيها!!!



ساعتها هيجيلوا قلب انه يديها لغيره



....






بالظبط نفس الكلام .. النهارده انتى لما تمنعى نفسك عن الشاب اللى بجد نفسك تربتطى بيه ... صدقينى هتغلى جدا فى نظره .. كل يوم ربنا سبحانه وتعالى هيزيدك رفعه و قيمه فى قلبه ... و ان شاء الله لما يجمع الله بينكم



و الله ما هيجيله قلب يزعلك و هيحافظ عليكى و هيحطك جوا عينيه



لأنك بجد غاليه ... غاليه جدا







و تعالوا معايا نبص على الصوره التانيه





لو هى هى نفس الجوهره .. بس المره دى مش على قمه جبل



لأ



دى مرميه .. و عليها تراب و كل اللى رايح واللى جاى



عمال يشوط فيها ..لحد ما واحد لاقها و أخدها



بالله عليكى هتكون غاليه عنده .. زى الشاب اللى تعب و بذل قصارى جهده علشان يوصل للجوهره الغاليه!!!


و ساعتها يا أختى عمرك ما هتكونى غاليه عنده .. يو ما هيحصل مشكله بينكم و لو تافهه .. اول كلمه


هيقولهالك ..




أيه انتى نسيتى نفسك و لا ايه ؟؟



يا بنتى متنسيش ان انتى اللى كنتى بتكلمينى و يتجرى ورايا



وبعدين بقولك ايه مش عاوز وجع دماغ مش عجباك العيشه معايا شوفى غيرى و انا عادى مستعد اتجوز من بكره



و غيره من الكلام الجارح المهين .. و ده كله لأنك رخصتك



نفسك ليه من الأول



............



و قدرت اخليكى تموتى من الحسره و انتى شايفاه فى ايد فلانه اللى يوم ما فكر يرتبط بواحده بجد تكون مراته كانت هى .. مش انتى


شوفتوا يا جماعه اد ايه الموضوع مش سهل





مش سهل ابدا انك تمشيها غلط من الأول و تقول انا بدور على السعاده


مش سهل ابدأ انك تقول انا عاوز ارضى ربنا و انت كل يوم بتعصيه


...........





يلا يا شباب ... بالله عليكم .. نسيب بعض علشان بجد نكون لبعض

و يلا يا رجاله بجد نكون رجاله و نبقى صحاب بجد ... مشاكلنا احنا اللى نحلها مع بعض .. بلاش بنت تعرف مشاكلك .. يلا ناخد بأيد بعض للجنه و نساعد بعض فى ان احنا نحب ربنا قبل اى حد ... لأن حب ربنا هيجيب لنا كل خير




و يلا يا بنات ... انت أرق من انك تجرحى حياءك .. انت واحده كلك حنان ..


كلك رقه .. كلك طيبه .. كلك مشاعر بجد جميله ... بلاش تدمرى حاجه بجد حلوه فيكى و هى مشاعرك و احاسيسك و تفرطى فيها فى طريق يغضب ربنا


و قوليها بأعلى صوتك(قلبى ملك ربى و حبى لله أشد)





... النهارده يا جماعه كل واحد يجعلها لله و يكلم الأنسانه المرتبط بيها


و يقولها
(أنا و الله لأنك خايف عليكى و نفسى ارتبط بيكى فأنا لازم اسيبك و صدقينى انا مش هرتبط بحد الا بيكى .. و صدقينى لو فيا خير ليكى هكون ليكى و ان شاء معادنا يوم ما هقدر اتقدملك ... سلام )





و انت قوليلوا




(أنا ليك بأذن الله .. بس أرجوك انا اخدت قرار و هو ان احنا لازم نسيب بعض علشان ربنا يبارك فى علاقتنا و يجعل آخرها الأرتباط .. و صدقنى انا ان شاء الله مش هرتبط بحد غيرك .. و هستناك .. بس انت شد حيلك فى دراستك علشان اكون فخوره و انا بتكلم عنك مع عيلتى و صدقنى طالما أحنا خلينا رضا ربنا قبل رضا نفسنا فصدقنى ربنا هيتولى أمرنا و مش هيفرقنا .. أرجوك ساعدنى و انا مستنيه يوم ما هتيجى تخبط على باب بتنا و تتقدملى ... سلام )





و من هنا ان شاء الله تكون البدايه فى الرجوع الى الله سبحانه و تعالى ... و بجد نقولها بأعلى صوتنا (بنحبك) يارب .... بحبك ... بحبك ... بحبك...........يارب

سلااااااااااااااااااااام ....


 

 

من مواضيع بنوته مصريه في المنتدى

__________________

بنوته مصريه غير متواجد حالياً   رد مع اقتباس
قديم 06-06-2011, 03:22 AM   #2
 
الصورة الرمزية افراح منسيه
 
تاريخ التسجيل: Mar 2011
المشاركات: 28,092
افراح منسيه will become famous soon enough
افتراضي

سبتها / سبته . . . بس بجد تعبان و مش عارف اعمل ايه ؟؟؟)

يسسسلمو بنوته

طرح جداااا رائع وهادف

جزاكى الله كل خير على طرحك القيم

وان شالله توصل الرساله للكل ويفهمو معناها الحقيقى

ويعملو بيه

الله يوفق الجميع لكل خير يارب ويستر على جميع شباب وصبايا المسلمين

موفقه اختى بنوته لكل مايخطه قلمك من تميز وابداع

كل الود والاحترام ليكى

 

 

من مواضيع افراح منسيه في المنتدى

__________________




تابع صفحتنا على الفيس بوك

افراح منسيه غير متواجد حالياً   رد مع اقتباس
قديم 06-06-2011, 03:48 AM   #3
 
الصورة الرمزية غرام العمر
 
تاريخ التسجيل: Feb 2011
المشاركات: 5,365
غرام العمر is on a distinguished road
افتراضي

سبتها / سبته . . . بس بجد تعبان و مش عارف اعمل ايه ؟؟؟

يسلموو الايادى حبيبتىا كل الود ياعسل

 

 

من مواضيع غرام العمر في المنتدى

__________________


















تَحْسِب، إنَّه زال حبك ؟! لا، يا عمري " ما يزال ،"صعبه يتغيَّر، مكانك وإنت لي، أوَّل وتالي


غرام العمر غير متواجد حالياً   رد مع اقتباس
قديم 06-06-2011, 07:15 AM   #4

 
الصورة الرمزية KaZa
 
تاريخ التسجيل: Apr 2010
المشاركات: 5,899
KaZa is on a distinguished road
افتراضي

سبتها / سبته . . . بس بجد تعبان و مش عارف اعمل ايه ؟؟؟


يسلمودياتك ع الطرح
تحياتى لك

 

 

من مواضيع KaZa في المنتدى

__________________

KaZa غير متواجد حالياً   رد مع اقتباس
قديم 08-01-2011, 05:36 PM   #7

 
تاريخ التسجيل: May 2010
الدولة: " Egypt "
المشاركات: 20,831
ملكني غلاك is on a distinguished road
افتراضي

سبتها / سبته . . . بس بجد تعبان و مش عارف اعمل ايه ؟؟؟)


مشَكور بنوته بجد موضوع جميل جدأ .

تسلم أحلأ الايآدي .

 

 

من مواضيع ملكني غلاك في المنتدى

ملكني غلاك غير متواجد حالياً   رد مع اقتباس
قديم 08-01-2011, 08:26 PM   #8
 
الصورة الرمزية روح الوفا
 
تاريخ التسجيل: Apr 2011
الدولة: فِ مجتمَع لآ يعرفْ نبضآت القلوبّ إلا فيّ غرفة العمليآت !
المشاركات: 10,845
روح الوفا is on a distinguished road
إرسال رسالة عبر MSN إلى روح الوفا إرسال رسالة عبر Yahoo إلى روح الوفا
افتراضي

وعليكم السلام ورحمة الله وبركاته


ــ




سآَـمًتْ يدْ آآا كْ ع الطْـرحْ الْرآئِعْ ~ ن25





ــ

 

 

من مواضيع روح الوفا في المنتدى

__________________




لا تَشْعُري بالذنْبِ يا صغيرتي .. لا تشْعُري بالذَنْبْ ..
فإنَّ كلَّ امرأةٍ أحببتُها ..
قد أورثَتْني " ذبحةً في القلب " ..


روح الوفا غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
اعمل, ثعبان, سبته, سببها, عارف, ؟؟؟)

جديد قسم منتدى نهر العام

إعلانات عشوائية



أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 12:34 PM.


Powered by vBulletin® Version 3.8.8
Copyright ©2000 - 2017, Jelsoft Enterprises Ltd.
SEO by vBSEO 3.6.1
:: جميع الحقوق محفوظة لمنتديات نهر الحب ::

Security team

 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286