كن من متابعين نهر الحب عبر تويتر

اضغط اعجبني ليصلك جديدنا بالفيسبوك
قديم 04-17-2011, 07:24 PM   #1
 
الصورة الرمزية بنوته مصريه
 
تاريخ التسجيل: Feb 2011
المشاركات: 23,290
بنوته مصريه is on a distinguished road
uu77 خواطر بنت ملتزمه





هو انا ليه مش زى كل البنات
انا ليه مش بعمل زيهم ....ليه بحس انى غريبه وسط المجتمع
ليه ساعات كتير بحس انى منبوذه وغريبه ورأيى مرفوض من ناس كتير
هو انا بس اللى صح والناس دى كلها غلط
ازاى طيب ؟؟؟؟؟؟
ليه الناس كلها عارفه ان الاغانى حرام ومع كده بتسمع اغانى وانا لا؟؟
ليه البنات عارفين ان الحجاب فرض وكتير مش محجبات وكتيــــــــــــــــــــــ


ــــر مفرطين فى حجابهم؟؟

اشمعنى انا اللى لما بنزل بنزل متكلفته ولابسه هدوم كتير مع ان البنات عادى بتنزل ولا بيهمها حاجه
ليه البنات بتلبس بنطلونات وانا لا مع ان شكل البنطلون بيكون حلو فى اللبس؟؟
ليه البنات فى الحر بتلبس وتخرج عادى براحتها وانا لا ؟؟ لازم البس هدوم كتير بتخلينى اتحر
ليه البنات بتروح وتيجى عادى فى المصايف وتنزل البحر والبسين وانا بحس انه كده عيب اوى مع انى بيكون نفسى انزل زيهم لانى بحب نزول الميه من صغرى ليه حتى لو فكرت اعمل حاجه من كده مش بقدر اعمل كده؟؟
ليه البنات فى المدرسه كلهم مصاحبين وانا لا؟؟
ليه كلهم بعد الدرس بيخرجوا مع اصحابهم الولاد وانا لا من البيت للمدرسه ومن المدرسه للبيت و لو خرجت بخرج مع اهلى ولو خرجت مع اصحابى بيكون مره كل مـــــــــــــــــــــده واهلى بيفضلوا طول الوقت يتصلوا هترجعى امتى هترجعى امتى؟
انا ليه لما بنزل اانا واصحابى ونكون فى كافتيريا او مكان عام بحاول صوتى ما يكونش عالى ولا اضحك بصوت مسموع مع ان اصوات البنات حواليا عاليه اوى وعـــــــــــادى خالص ولا فارق معاهم
ليه انا بطلب ايس كريم او عصير ومش باخد شيشه مع ان ما فيش حد حواليا مش بيشرب شيشه وبقرر بعد كده ما اجيش المكان ده تانى بعد كده
من المناظر الى شفتها
يارب هو انا بس اللى صح؟؟؟؟
ليه لما بخرج اشترى حاجه بيكون كلامى مع البياع على الاد وبمشى على طول ومره واحد قالى انتى عامله كده ليه هو انا اما اهزر معاكى هاكل منك حته؟؟
ليه مش بطول فى الكلام مع اى حد ولد او راجل او شاب وبحس انى مكسوفه اوى وانا بكلمه مع انى بشوف بنات بتاخد وتدى مع الشباب فى الكلام وساعات بسمع كلمات الاعجاب بودنى وبكون مكسوفه
بس فى نفس الوقت انا نفسى اسمع الكلام ده من حد بس مش كده وبحس انى لو عملت كده هكون رخيصه اوى
طيب اللى عملت كده دى ليه مش حاسه انها رخيصه وواقفه ومبسوطه وفرحانه اوى
اشمعنى انا اللى حاسه الاحساس ده بس
هو انا معقده ولا ايه؟؟
ليه صحباتى كل واحده بتخرج مع خطيبها وانا لا مع انى نفسى اخرج معاه
ليه نفسى اقوله كلمه حلوة واسمع منه كلمه حلوة بس مش بعمل كده؟؟ ليه ساعات بيكون نفسى ارفع سماعه التليفون واكلمه وبعدين اقول لا دى خلوة؟؟؟
ليه اما يكون فيه عروض فى شركات المحمول بتعمل مكالمات مجانيه بالليل بحس انه عرض مالوش لازمه ف حين ان صحبتى المخطوبه بتكون فرحانه بالعرض عشان يقلل عليها التكاليف
اشمعنى انا حاسه الاحاسيس دى وغيرى مش حاسسها؟؟؟
انا ايه اللى بيخلينى اتنازل فى بعض الاوقات عن حقى فى موقف ما فى الشارع لمجرد انى منتقبه
ليه وانا ماشيه الناس بتتفرج عليا كأنى كائن فضائى
ليه الناس بتقولى يا حاجه وساعات الى بتقولى كده بكون انا من عمر بناتها
هو عشان انا منتقبه خلاص بقيت واحده عجوزه
ليه الكل بيكون راصد حركاتى كلمه كلمه ونفس نفس عشان انا منتقبه
انا ايه الى بيخلنى اتحمل كل ده فى الحر؟؟
ليه مش بعرف البس كعب عالى وانا قصيره والبنات بتلبس وتمشى تتمختر
انا ليه اما بكون وسط المجتمع بحس ان ما فيش حد من دول ينفعه انى ارتبط بيه واكمل معاه حياتى ليه مش برضى بحد يجيلى بيشرب سجاير
ليه رفضت عريس قبل كده ما يترفضش لمجرد انه بيشرب سجاير
ليه وليه وليه وليه ولــــــــــــــــــــــــــــــــــــــــــــــيه ؟؟؟؟؟؟؟؟؟؟!!!!!!!!!!!!!!!
الخواطر دى بتيجى فى دماغ اى بنت ملتزمه اى بنت اهلها ربوها وخرجت من بيئه صالحه
باختلاف العمر والمستوى الاجتماعى
لــــــــــــــــكــــــــــــــــــــــــــــــــ ــــــــن
انا عارفه انا بعمل كده ليه انا عارفه هدفى
هدفى واضح ادامى انا عايزة ربنا وعايزة رضاه ومش عايزة اى حاجه تانى غير كده انا عايزة ادخل الجنه
انا ربنا اكرمنى وانعم عليا بنعمه الالتزام انا حاسه بالنعمه دى
ايوة دى نعمه عظيمه ده اصطفاء من الموالى عز وجل مش اى حد بيكون ملتزم وده طبعا مش عجب اعوذ بالله ولكنه امتنان وشكر لنعمه المنعم


انا اتحجبت عشان ربى امرنى بكده عشان ما اكونش سبب فى نظره شاب للحرام واخد ذنب عدم طاعه ربنا بالتبرج وذنبه انى خليته ينظر الى الحرام
انا منتقبه لان ده رداء امهات المؤمنين ومن تشبه بقوم فهو منهم
ومن احب قوما حشر معهم .... وانا هعوز ايه بعد كده ايه اللى هعوزه بعد صحبه امهات المؤمنين فى الجنه ان شاء الله
انا مش بسمع اغانى لانها المكاء والتصديه الى ذكرها مولاى فى القرآن انا عارفه ومتاكده ان لا يجتمع مزمار الشيطان وكتاب الله فى قلب انسان
وانا فضلت كتاب ربى انا مش بسمع اغانى عشان احافظ على قلبى احافظ عليه من انه يكون ميت الاغانى بتموت القلب
انا عارفه الكلام ده عن تجربه ايام ما كنت بسمع اغانى قبل الالتزام اللهم لا تعد هذه الايام ابدا يارب
انا برفض اى حد يكون مش ملتزم لانى انا عايشه حياتى على دين ومنهج ومش بعمل حاجه مش غير ما يكون فيها اجر
طيب وهو الزواج فيه اجر ايوة طبعا
اجر انى اخد بايد انسان ملتزم واعينه انه يعف نفسه اجر انى اربى ذريه صالحه
انا عايزة انسان ملتزم لان هدفى مش الدنيا انا هدفى الجنه ولو انسان صالح ان شاء الله ياخد بايدى للجنه
لكن انا مش بتزوج عشان شهواتى ورغباتى
انا كل ما يجى اى معنى من الخواطر دى فى قلبى بتذكر قول رسول الله لعمر:

اما ترضى ان تكون لهم الدنيا ولنا الاخره
طبعا يارسول الله طبعا يا حبيب الله ومين ما يرضاش
مين الى يرضى بالدنيا التى لا تساوى عند الله جناح بعوضه انا كل ما تيجى المعانى دى فى قلبى افتكر حاجه مهمه اوى
اذا كان الدنيا دى كلها بكل حلوتها وزينتها وبهجتها وعطورها واشجارها وانهارها ومنتجعاتها ومصايفها
لا تساوى عند الله جناح بعوضه
امال الجنه بقى شكلها هيكون ايه الجنه التى صنعها الله لعباده المتقين
الجنه التى صنعها الله لعباده الصالحين
الجنه التى قال فيها المولى عز وجل : تلك الجنه التى نورث من عبادنا من كان تقيا
يارب لا تحرمنا الجنه يارب
انا كده غريبه وانا فرحانه انى كده
لان الرسول قال طوبى للغرباء وهى شجره عظيمه فى الجنه
انا تركت الزينه والمكياج والعطور فى الدنيا عشان استمتع بعطور الجنه وازهار الجنه وملابس اهل الجنه لان مش شرب الخمر فى الدنيا لم يشربه فى الاخره وعلى كده كل شئ بالمثل كل شئ هيقتص منى انا عايزة اتمتع بالجنه بكل شبر فيها مش عايزة اتحرم من اى حاجه فيها
اذا كنت اما سمعت وصف الحور العين فى الجنه ما اقدرتش اتخيل جمال بالوصف ده ابدا
امال بقى نساء الدنيا التى ستكون اجمل من الحور العين فى الجنه
الله ارزقنا الجنه وما قرب اليها من قول او عمل
انا بعمل كده لان رسولنا وحبيبنا محمد قال لا تسودوا وجهى
وانا مش عايزة اسود وجه الرسول على الحوض يوم القيامه
اللهم يا مقلب القلوب ثبت قلوبنا على دينك
اللهم ارزقنا الجنه بلا حساب ولا سابقه عذاب
الله اهدى بنات ونساء المسلمين
اللهم ردهن اليك ردا جميلا
اللهم ارزقنا الجنه بلا حساب ولا سابقه عذاب
اللهم ان اردت بعبادك قتنه فاقبضنا اليك غير مفتونين يارب العالمين






المصدر منتديات نهر الحب

 

 

من مواضيع بنوته مصريه في المنتدى

__________________

بنوته مصريه غير متواجد حالياً   رد مع اقتباس

قديم 04-17-2011, 07:26 PM   #2
آخشآكـ يآ قدريـ
 
الصورة الرمزية mesoo
 
تاريخ التسجيل: Aug 2010
الدولة: فلسطين
المشاركات: 6,559
mesoo is on a distinguished road
افتراضي

جزاكم الله خيرا وبارك فيكم ونفع بكم الاسلام والمسلمين
اسال الله لى ولكم الهداية والرضا من رب العالمين
اللهم فكن لنا وليا ونصيرا، وكن لنا معينا ومجيرا، إنك كنت بنا بصيرا
اللهم صل و سلم و بارك علي سيدنا محمد و علي آله
و صحبه و سلم و الحمد لله رب العالمين
مع تحياتي لكم

 

 

من مواضيع mesoo في المنتدى

mesoo غير متواجد حالياً   رد مع اقتباس

قديم 04-17-2011, 07:27 PM   #3

 
الصورة الرمزية صمت الرحيل
 
تاريخ التسجيل: Sep 2010
الدولة: iDk ..
المشاركات: 18,172
صمت الرحيل is on a distinguished road
افتراضي

خواطر بنت ملتزمه

يســـــــــــــلمواااا بنوته
مشـكورررره كتير

 

 

من مواضيع صمت الرحيل في المنتدى

__________________




تابع صفحتنا على الفيس بوك






صمت الرحيل غير متواجد حالياً   رد مع اقتباس

إضافة رد

مواقع النشر (المفضلة)

جديد قسم منتدى نهر الاسلامي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 10:20 PM.


Powered by vBulletin® Version 3.8.8
Copyright ©2000 - 2017, Jelsoft Enterprises Ltd.
SEO by vBSEO 3.6.1
:: جميع الحقوق محفوظة لمنتديات نهر الحب ::

Security team

 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286