كن من متابعين نهر الحب عبر تويتر

اضغط اعجبني ليصلك جديدنا بالفيسبوك
قديم 05-30-2007, 02:26 PM   #1
عضو
 
الصورة الرمزية الميزاني
 
تاريخ التسجيل: May 2007
المشاركات: 214
الميزاني is on a distinguished road
Post قصه شاب سعودي ...وسيم ..ودلخ ...هع هع هع, قصه بدايتها ضحك ونهايتها حزن ,,,,ههههههههه.

Advertising

"سعود "



شخص فاشل بجميع المقاييس الحظ ردي واقف له بكل مكان و بكل زمان انسان تعيس ببساطة

وعلى كل ذا دلخ بكل معنى تحمله هالكلمة يتكون من كتلة تناحه تمشي على الارض ولكنه للامانه

كان وسيما جدن جدن .. الموهم نشأ في بيت ابوه و امه وترعرع فيذاك<< يمديك على فيذاك ....ههههههههه




و كبر و تم خمس سنين من الدلاخه المفهيه وبعد ان يأسوا منه امه و ابوه و كرهوا اليوم

اللي جابوه فيه و حس بالوحده في هذه الدنيا في سن صغيرة اخذ يتحلطم كل ليله و

يناشق اخر الليل حيث مرتن من المراير لحس مخه ابليس في ليلتن ظلماء استجمع

قواه وقرر ان يفرك من البيت ولكن ليس بعيدا فرك الى بيت ولد جيرانهم (ريان) << زين ....

حيث يجد هناك كل سبل الرفاهيه من بلاي ستيشن و حوش وسيع حق لعب كورة

وغيره من ملذات الدنيا فهم عائله متفتحه و متحررة (متحررة يعني بناتهم يطلعون كاشفات خخخخ )

و يوم قلط عندهم استقبلوه بكل حفاوة قالوله وشجابك يا سعود عندنا ..

(الله من زين الحفاوه) قال :

امي قالت رح نم عندهم قلت والله مهيب شينة و جيت فرحبوا به

و نام مع وخويه ريان بنفس السرير

و في الصباح الباكر جا ابو سعود يدق الباب

على بيت جيرانهم قالوله موجود عندنا

والله و يدخل ابو سعود بيت الجيران و يدور غرفة ريان و يلقى

سعود فاق خشته لابس سروال سنة اخوهم الكبير واصل المغاط حق الخصر لين خشمه

مير يمسك ابو سعود شوشة سعود و يطيح السروال السنه حقه و يبقى على السروال

الداخلي خخخ و سطّحه ببيتهم حيث استقبلته امه مع المطبخ الخارجي و بيدها ملاس و

قدر و اخذت ترجفه لين اغمى عليه ما فاق الا بعد خمس ساعات ولم يستسلم فعلها مره و مرتين و اخرى

(نشب بذالجيران خخخخخ) اليين قالوا ما نبيك و اخذ يبكي يبكي ليلا نهارا صار يدور

بالحوش بسيكله بالساعات من الفهاوه .. حين كمل سنه السادسه بعد شتى وسائل اقناع

و طق تبقيس دخل المدرسة سنة اولى مغلوبن على امره خخخ هو و ولد خالته حمود وصار

يلزق بحمود وين ما راح يروح معه لا اصدقاء ولا شي

و حمود كان الوحيد اللذي يرأف بحاله في مواقف صعيبه مثل حرمان

ابوه المصروف طبعا بذاك العمر كان المصروف اكبر مشكله يواجهها الطفل المهم حمود

ما قصر مع ولد خالته و صار يعلمه امور

الحياه و كبرو ثنينهم و كل عمره ينجح بالدف سعود و حمود كان متفوق اكثر من سعود ..

مما اشعل غيرة سعود ولكن حمود بذكائه كان يمتص غيرة سعود بطيبة قلبه و لين اطباعه ..

وصلوا لسن المراهقه 16 و الحال كما هي .. طلع حمود جوال بحكم ظروفه العائليه وسعود

قعد يحن على امه و هي داخله و هي طالعه اليييين اشترتله جوال عائلي طار بالفرحه سعود حط اول رقم

رقم بيتهم و الثاني رقم جوال ابوه و الثالث رقم امه و حمود و شغالتهم موزه و سواقهم فخر الدين



حمود يرسله رساله و سعود يردها له ما عنده رسايل خخخخ (كسر خاطري شكلي بوقف القصه )خخخخخخ


مر شهر و الجوال لازق بيد سعود ينام فيه يروح فيه يجي فيه حتى بالحمام اعزكم الله يدخله معه ...والله من التناحه هع هع


مره كان جاي من المدرسه بجوار سواقهم فخر الدين بسيارتهم (كامري بوكس) بعز الظهر دق جواله


سعود انهبل من ذاللي يدق عليه بالعاده ما يدري عنه احد وبعد ان استجمع سعابيل اللهفه داخل فمه


و سكنت شهقات الشغف في بلعومه رد :

سعود:الو

ردت عليه بنت قالت:اهلين

سعود:شتبين؟

البنت:ذا جوال غادة؟

سعود:لا ذا جوالي

البنت: اسفه عالازعاج باي

سعود:طيب

اغلق السماعه سعود و اغلقت تلك الفتاة السماعه و لم يحرك ساكنا سعود لانه عديم الاحساس

و ما يدري عن الدنيا فلم يأبه لتلك المكالمه

مرت ربع ساعه ولازال سعود بالسيارة رن جواله بنفس الرقم

سعود:الو

البنت:هلا معليش بس انا متاكده ان ذا جوال غادة انت متاكد انه موب جوالها؟

سعود:انتي ما تفهمين؟ قلنالك ذا جوالي

البنت:طيب لا تنافخ خلاص اسفيييين وجع

طراخ سكرت بوجهه ..

سعود:ياخي والله بنات ذالوقت لا حيا ولا حشيمة ما يستحون على وجيههم

فخر الدين:ايس في؟

سعود:سق السياره و انطم لا ارجفك بذالجوال

فخر الدين:ايس في؟

سعود:ياخي من كلمك انت الحين

فخر الدين:تيب

رجع سعود للمنزل و تغدا مع امه و ابوه و راح خمد

دقت عليه تلك الفتاة الساعه 4 بالعصر (وناسة فتاة خخخخ )

البنت:معليش ازعجتك

سعود:لا عادي بس شتبين هالمره؟

البنت:اممم صراحة ماني عارفة وشقولك

سعود:تراك من جد اقلقتيني وشبك

البنت:خلاص باي .. و سكرت بوجهه

سعود:الحمد لله و الشكر

مر يومان و قد نسي سعود تلك السالفة ولم تهز شعره من شعرات راسه الصغير

اما تلك الفتاة فقد بدأت تخطو اول خطوه في درب الغرام و اصبح فكرها معلق بذلك الشاب الوسيم ذو الصوت المبحوح

الجميل والدلخ في نفس الوقت (ماتدرين وش مخبي الزمن لك يا فتاة خخخخ)وقد اغراها

ان الرجال ثقل ما يمزح وصارت تسبح بمخيلتها برسم صورة ذلك الشاب و اصبح صدى صوته يهمس لمسمعها كل حين ..

وبعد اسبوع من تلك المكالمه قررت ان تصارحه بعد ان اتعبها الحنين و وآلمها الونين

ففي يوم خميس الساعة الحادي عشر ليلا .. اتصلت على المفهي سعود

البنت:مساء الخير

سعود:انا لله انتي مره ثانيه

البنت:واللللله ادري اني غثيتك بس تحملني

سعود:ومين انتي علشان اتحملك

البنت:طيب انت الحين ليش معصب

سعود:لانك تنرفزين الواحد

البنت:طيب اسمع ابي اقولك شي

سعود:شوفي تسكرين ولا انادي امي الحين.؟

البنت:خلاص طيب باي

سعود:باي

اخذت تلك الفتاة تعتصر دموعها و تبكي كما طفلة فقدت لعبة احبتها واحست في تلك اللحظه

ضائعه فقد احبت ذلك الشاب بينما هو لا يبادلها الشعور و قررت ان تنسى امر ذلك الشاب و كان قرارها حازما ..

مرت فترة وهي تحاول جاهدة ان تتناسى .. ولكن في لحظه خانت عهدها......وووووو....


وش تتوقعون كان رده فعل سعود الدلخ اللي تجيه بنت على طبق من ذهب ...باقي جزئين..

************************************************** ******************************
*********


على قولة بعض الناس ..ومضه ...هع هع /

دايما الدلووووووخ عليهم حظ يكسر الحجر ,,,هع هع ....واسالوا خرجاوي ...صح يابق ون ...<<< ملحووووس

 

 

من مواضيع الميزاني في المنتدى

__________________



[img]http://www.up4********/uploads/b1e32a3188.jpg[/img]

في الغابة قانونٌ يجري في كل مكان

قانونٌ أهمله البشر ونسوه الآن

ساعد غيرك لو تدري

مامعنى حب الخيرِ

ماأجمل أن تحيا في الأرض بلا نكران





الأيميل للأ ضافه وليس للبيع

[email protected]

الميزاني غير متواجد حالياً   رد مع اقتباس
قديم 05-30-2007, 03:28 PM   #2
عضو
 
الصورة الرمزية ماسة شفافة
 
تاريخ التسجيل: Nov 2006
المشاركات: 1,467
ماسة شفافة is on a distinguished road
افتراضي

ههههههههههههههههههههههههههههههههههه
الله يرجك ياميزاني
والله مااعتقد فيه رجال كذا
انت تتخيل شي مستحيل
الرجال لو اصمخ واتصلت بنت يصير يسمع
هههههههههههههههههههههههههه

والعمي لو شم ريحة بنت مارة جنبة يشوف
<< حطت صبعها من عند خدها ومدته على خدها وقالت انتو اوف منكم
ههههههههههههههههههههههههههههههههههههههه

بس يالله نبي نكمل القصة
لا تتاخر
هههههههههههههههههههههههههههههههه

 

 

من مواضيع ماسة شفافة في المنتدى

__________________



مشكور ياطير على احلى هدية برمضان"التوقيع"

ماسة شفافة غير متواجد حالياً   رد مع اقتباس
قديم 05-30-2007, 03:35 PM   #3

عضوة مميزة

 
الصورة الرمزية الفراشه الورديه
 
تاريخ التسجيل: May 2007
المشاركات: 1,616
الفراشه الورديه is on a distinguished road
افتراضي

الله يعين البنت علىسعووووووووووود

يسلموووووووو

تحياتي

 

 

من مواضيع الفراشه الورديه في المنتدى

__________________












الفراشه الورديه غير متواجد حالياً   رد مع اقتباس
قديم 05-30-2007, 08:32 PM   #5
عضو
 
الصورة الرمزية خالد
 
تاريخ التسجيل: Aug 2006
المشاركات: 47
خالد is on a distinguished road
افتراضي

ههههههههههههههههههه
هههههههههههه
ههههههه
ههه
يسلمو يا الميزاني

 

 

من مواضيع خالد في المنتدى

خالد غير متواجد حالياً   رد مع اقتباس
قديم 05-31-2007, 11:24 AM   #7
عضو
 
تاريخ التسجيل: Nov 2006
المشاركات: 78
smsom is on a distinguished road
افتراضي

حرام عليك ياميزاني انا منسجم مع الدلخ وتقطع السالفه يالله كملها
هههههههههههههه
بشوف نهاية الدلخ سعوووووووووووود

 

 

من مواضيع smsom في المنتدى

smsom غير متواجد حالياً   رد مع اقتباس
قديم 05-31-2007, 01:07 PM   #8
عضو
 
الصورة الرمزية الميزاني
 
تاريخ التسجيل: May 2007
المشاركات: 214
الميزاني is on a distinguished road
افتراضي

مشكورين على المرور

وابشر بعزك سمسوم

الحين انزل الجزء الثاني

 

 

من مواضيع الميزاني في المنتدى

__________________



[img]http://www.up4********/uploads/b1e32a3188.jpg[/img]

في الغابة قانونٌ يجري في كل مكان

قانونٌ أهمله البشر ونسوه الآن

ساعد غيرك لو تدري

مامعنى حب الخيرِ

ماأجمل أن تحيا في الأرض بلا نكران





الأيميل للأ ضافه وليس للبيع

[email protected]

الميزاني غير متواجد حالياً   رد مع اقتباس
إضافة رد

مواقع النشر (المفضلة)

جديد قسم نهر التسلية والطرائف والمرح

إعلانات عشوائية



أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 10:54 PM.


Powered by vBulletin® Version 3.8.8
Copyright ©2000 - 2018, Jelsoft Enterprises Ltd.
SEO by vBSEO 3.6.1
:: جميع الحقوق محفوظة لمنتديات نهر الحب ::

Security team

 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286